Ракетны абстрэл Эрбіля (2024)

Вечарам 15 студзеня 2024 года з тэрыторыі Ірана па горадзе Эрбіль (Паўночны Ірак, сталіца аўтаномнага Курдыстана) былі запушчаны адзінаццаць балістычных ракет «Фатэх»[1]. У выніку чатыры чалавекі загінулі (адной з ахвяр стаў бізнесмен Пешра Дызаі, генеральны дырэктар дэвелаперскай кампаніі Empire World[2]) і шэсць атрымалі раненні. Напад быў накіраваны на недабудаванае консульства ЗША і меркаваны штаб разведкі Масада[3].

Абстрэл прывёў да часовага закрыцця міжнароднага аэрапорта Эрбіля. Корпус Вартавых Ісламскай рэвалюцыі (КВІР) хутка ўзяў на сябе адказнасць[4]. Акрамя таго, сілы заходняй кааліцыі збілі каля аэрапорта тры дроны[5]. У КВІР таксама заявілі, што нанеслі ўдар па сілах «Ісламскай дзяржавы» на паўночным захадзе Сірыі[6].

Напярэдадні, 3 студзеня, у Кермане на гарадскіх могілках падчас цырымоніі з нагоды гадавіны забойства Касема Сулеймані адбылася серыя ўрываў. Ахвярамі сталі не менш за 94 чалавекі. Іранскі ўрад аб’явіў інцыдэнт тэрактам[7]. Адказнасць за выбухі ўзяла на сябе «Ісламская дзяржава»[8]. Аднак прэзідэнт краіны Ібрагім Раісі абвінаваціў у тэракце Ізраіль[9].

Гл. таксама

Заўвагі

  1. ↑ Iran's Guards attack Israel's 'espionage centers' in Iraq, state media says. Reuters (16 студзеня 2024).
  2. ↑ IRGC strikes ‘spy headquarters’ in Erbil with ballistic missiles. Rudaw Media Network (15 студзеня 2024).
  3. ↑ Katy, Bader. Explosions reported near US Consulate in Iraq; Iran claims responsibility. ABC News (15 студзеня 2024).
  4. ↑ IRGC attack US consulate in Iraq as tensions between the US, Iran rise. The Jerusalem Post | JPost.com (15 студзеня 2024).
  5. ↑ Explosions reported near US Consulate in Iraq; Iran claims responsibility. ABC News (16 студзеня 2024).
  6. ↑ IRGC claims deadly ballistic missile strikes on Erbil. www.rudaw.net. Праверана 16 студзеня 2024.
  7. ↑ "At least 103 dead in bomb blasts near Iran general Qasem Soleimani's tomb - state TV" [брытанская англійская]. 2024-01-03. Праверана 2024-01-03.
  8. ↑ ИГИЛ взяло на себя ответственность за теракт в Иране (руск.). Meduza. Праверана 4 студзеня 2024.
  9. ↑ واکنش رئیسی به جنایت تروریستی کرمان؛ «بدانید در مقابل این جنایت هولناک هزینه سختی خواهید داد» (перс.). SNN.IR (3 студзеня 2024). Архівавана з першакрыніцы 4 January 2024. Праверана 3 студзеня 2024.