Мікіта Барысавіч Куканенка

Мікіта Барысавіч Куканенка
Дата нараджэння 18 верасня 1998(1998-09-18)
Месца нараджэння
Дата смерці 19 мая 2021(2021-05-19) (22 гады)
Месца смерці
Месца пахавання
Альма-матар
Грамадзянства
Род войскаў Ваенна-паветраныя сілы і войскі СПА Рэспублікі Беларусь
Гады службы 2020—2021
Званне
Лейтэнант
Лейтэнант
Часць 116-я штурмавая авіяцыйная база (Ліда)
Узнагароды і званні

Мікіта Барысавіч Куканенка (18 верасня 1998, Полацк — 19 мая 2021, Баранавічы) — ваенны лётчык, лейтэнант ВПС Рэспублікі Беларусь. Загінуў, адводзячы некіруемы самалёт Як-130 ад Баранавічаў. Пасмяротна ўдастоены звання Героя Беларусі (2021)[1].

Біяграфія

Нарадзіўся 18 верасня 1998 года ў Полацку[2]. Яго дзед жыў у гарадскім пасёлку Баравуха, дзе размяшчалася верталётная база. Пасля наведвання базы Мікіта вырашыў стаць пілотам. Але ён выбраў не верталёты, а самалёты[3].

Пазней паступіў у Полацкае кадэцкае вучылішча, якое скончыў у 2015 годзе. У 2020 годзе ў званні лейтэнанта скончыў авіяцыйны факультэт Ваеннай акадэміі Рэспублікі Беларусь. Лідская штурмавая авіябаза стала для яго першым месцам службы. За год лётаў на самалётах Л-39 і Як-130. У планах Мікіты Куканенкі на 2021 год было стаць лётчыкам трэцяга класа[4].

Загінуў 19 мая 2021 года ў Баранавічах у час трэніровачнага палёту Як-130 разам з маёрам Андрэем Нічыпорчыкам[5]. Іх самалёт разбіўся каля жылых дамоў на вуліцы Розы Люксембург. Пазней камісія па расследаванні катастрофы заявіла, што лётчыкі да апошняга спрабавалі адвесці самалёт ад дамоў і таму запозна катапультаваліся[6][7].

Пахаваны ў Полацку на Паўночных могілках[8].

Сям’я

Удава Мікіты Куканенкі аб подзвігу лётчыкаў

У загінулага пілота засталася жонка Таццяна. Яны згулялі вяселле ў верасні 2020 года[9].

Узнагароды

  • Герой Беларусі (24 лістапада 2021, пасмяротна) — за мужнасць і гераізм, праяўленыя пры выкананні воінскага абавязку[10].

Памяць

23 лістапада 2021 года на паседжанні баранавіцкага гарвыканкама была прынятая пастанова аб наданні вуліц у новым мікрараёне Паўночны-2 імён загінулых лётчыкаў[11].

20 мая 2022 года ў Баранавічах адкрылі мемарыял у гонар загінулых лётчыкаў[12].

У Лідзе яго імя прысвоена сярэдняй школе № 6[13].

17 мая 2024 года на тэрыторыі Полацкага кадэцкага вучылішча, выпускніком якога з’яўляўся лётчык, адкрыты помнік[14][15]. Адначасна ў Баранавічах адкрыта мемарыяльная дошка ў гонар лётчыкаў-герояў. Размешчана на доме, які знаходзіцца на скрыжаванні вуліц, названых імёнамі пілотаў[16].

Зноскі

  1. ↑ Лётчыкам Андрэю Нічыпарчыку і Мікіце Куканенку пасмяротна прысвоена званне «Герой Беларусі»
  2. ↑ Сообщение пресс-службы (руск.)(недаступная спасылка). Министерство обороны Республики Беларусь (19 мая 2021). Архівавана з першакрыніцы 24 лістапада 2021. Праверана 24 лістапада 2021.
  3. ↑ Наталья Светлова. «У него сбылась мечта. А я всегда гордился, что мой друг - летчик»: что рассказывают о погибших в Барановичах военных летчиках (руск.). Комсомольская правда (19 мая 2021). Праверана 24 лістапада 2021.
  4. ↑ Артем Беговский. Разбившиеся под Барановичами летчики посмертно награждены званием «Герой Беларуси» - Лайфстайл Onlíner (руск.). Onliner.by (24 лістапада 2021). Праверана 24 лістапада 2021.
  5. ↑ Расказваем пра лётчыкаў Нічыпарчыка і Куканенку, якія загінулі ў Баранавічах
  6. ↑ Что выяснили следователи о гибели летчиков в Барановичах, рассказали в СК Архівавана 24 лістапада 2021., Intex-press, 30-9-2021
  7. ↑ Из-за чего упал самолет в Барановичах установил Следственный комитет Архівавана 24 лістапада 2021., Intex-press, 26-10-2021
  8. ↑ Сотни жителей Полоцка пришли на прощание с летчиком Никитой Куконенко. Итоговый фоторепортаж
  9. ↑ Нелли Радько. О погибшем летчике Никите Куконенко рассказывают сослуживцы, педагоги и друзья (руск.)(недаступная спасылка). Новополоцк сегодня (1 чэрвеня 2021). Архівавана з першакрыніцы 24 лістапада 2021. Праверана 24 лістапада 2021.
  10. ↑ Указ Прэзідэнта Рэспублікі Беларусь 24 лістапада 2021 г. № 457 «Аб узнагароджанні» (недаступная спасылка). Афіцыйны інтэрнэт-партал Прэзідэнта Рэспублікі Беларусь (24 лістапада 2021). Архівавана з першакрыніцы 24 лістапада 2021. Праверана 24 лістапада 2021.
  11. ↑ Как назовут улицы в новом микрорайоне Северный-2, решали в Барановичах Архівавана 24 лістапада 2021., Intex-press, 23-11-2021
  12. ↑ В Барановичах открыли мемориал в честь погибших летчиков Андрея Ничипорчика и Никиты Куконенко
  13. ↑ Память о погибших летчиках-героях увековечивают в Лиде.
  14. ↑ В Полоцке открыли памятник Герою Беларуси, выпускнику Полоцкого кадетского училища Никите Куконенко.
  15. ↑ Будущий герой мечтал быть летчиком. Памятник Никите Куконенко открыли в Полоцке. БелТА.
  16. ↑ В Барановичах почтили память летчиков-героев Андрея Ничипорчика и Никиты Куконенко. БелТА.