Крыштоф Нарушэвіч
Герб «Вадвіч»
Вялікі падскарбі літоўскі 1618 — 1630
Папярэднік	Геранім Валовіч
Пераемнік	Стэфан Пац
Надворны падскарбі літоўскі 1615 — 1618
Папярэднік	Ян Яўстах Тышкевіч
Пераемнік	Павел Валовіч
Вялікі лоўчы літоўскі каля 1613 — 1624
Папярэднік	Ян Нарушэвіч
Пераемнік	Ян Караль Нарушэвіч
Нараджэнне	1570(1570)
Смерць	1630(1630)
Род	Нарушэвічы
Бацька	Мікалай Ян Нарушэвіч
Маці	Барбара з Кунцэвічаў[d]
Жонка	Альжбета з Шымковічаў[d][1]
Дзеці	Станіслаў, Ян, Казімір, Аляксандр Крыштоф
Веравызнанне	кальвінізм і Каталіцкая Царква[1]

Крыштоф Нарушэвіч (каля 1570 — 1630) — дзяржаўны дзеяч Вялікага Княства Літоўскага. Надворны (1615—1618) і вялікі (1618—1630) падскарбі літоўскі.

Вучыўся за мяжой, падарожнічаў па Германіі і Італіі. У 1611 перайшоў з кальвінізму ў каталіцтва. Лоўчы вялікі літоўскі ў 1613—1624, падскарбі надворны літоўскі з 1615, падскарбі вялікі літоўскі з 1618, адначасова вялікі пісар літоўскі, стараста ушпальскі і навадворскі.

Валодаў Ганусішкамі ў Троцкім павеце, Мажэйкавам і Лебядой у Лідскі павеце.

Паходзіў з роду Нарушэвічаў герба «Вадвіч». Сын Мікалая Яна, падскарбія літоўскага, і яго жонкі Барбары Кунцэвіч, брат Мікалая і Яна. Ажаніўся з Альжбетай Шымковіч. Пакінуў сыноў:

• Станіслава (каля 1590 — 1650), рэферэндара літоўскага;
• Яна (? — 1663), надворнага падскарбія літоўскага;
• Казіміра;
• Аляксандра Крыштофа (? — 1668), падканцлера літоўскага.

• Пазднякоў В. Нарушэвічы // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 349. — 792 с. — ISBN 985-11-0378-0 (т. 2), ISBN 985-11-0315-2.