Крымская федэральная акруга

Крымская федэральная акруга на карце Расіі.

Крымская федэральная акруга (руск.: Крымский федеральный округ) — былая федэральная акруга Расійскай Федэрацыі[заўв 1], якая існавала з 21 сакавіка 2014[1] года па 28 ліпеня 2016 года[2].

У склад акругі ўваходзілі два суб’екты федэрацыі: Рэспубліка Крым і горад федэральнага значэння Севастопаль. Размешчана на Крымскім паўвостраве. Па колькасці суб’ектаў, колькасці насельніцтва, памерах тэрыторыі, акруга з’яўлялася найменшай сярод федэральных акруг, саступаючы ўсім астатнім у некалькі разоў. З’яўлялася адзінай акругай-паўэксклавам, якая не мае сухапутнай мяжы з іншымі акругамі і асноўнай тэрыторыяй Расіі (але мае яе з іншай дзяржавай — Украінай).

Адміністрацыйным цэнтрам акругі з’яўлялася сталіца Рэспублікі Крым горад Сімферопаль, нягледзячы на тое, што найбуйнейшым горадам Крыма і Крымскай федэральнай акругі з’яўляўся горад Севастопаль, што сярод федэральных акруг характэрна толькі для Паўночна-Каўказскай федэральнай акругі.

Паўнамоцным прадстаўніком прэзідэнта Расійскай Федэрацыі ў Крымскай федэральнай акрузе ўвесь час яго існавання быў Алег Белавенцаў. 28 ліпеня 2016 года акруга была аб’яднана з Паўднёвай федэральная акругай.

Большасць дзяржаў-членаў ААН, у тым ліку і Украіна, не прызнае далучэнне Крыма да Расіі.

Склад акругі

Крымская федэральная акруга
Крымская федэральная акруга
№ Сцяг Суб’ект Федэрацыі Плошча
(км²) 		Насельніцтва Адміністрацыйны
цэнтр
1 Рэспубліка Крым 26081[3][4][5] 1 893 245 Сімферопаль
2 Горад федэральнага значэння
Севастопаль 		1080[заўв 2][заўв 3] 380 725 Севастопаль

Заўвагі

  1. ↑ Гэты аб’ект размешчаны на тэрыторыі паўвострава Крым і кантралюецца Расіяй. Міжнародная супольнасць не прызнае ўключэнне Крыма ў склад Расіі і лічыць яго анексіяй часткі тэрыторыі Украіны (гл. Рэзалюцыю 68/262 Генеральнай Асамблеі ААН).
  2. ↑ У тым ліку суша — 864 км², марская акваторыя — 216 км²[6].
  3. ↑ Плошча тэрыторыі рэгіёна (горада федэральнага значэння Севастопаль) складае 1079,6 км², у тым ліку 216,0 км² марскіх бухт, якія з’яўляюцца тэрытарыяльнымі водамі, а таксама 863,6 км² сушы[7].

Крыніцы

  1. ↑ Путин подписал указ об образовании КФО(недаступная спасылка). Архівавана з першакрыніцы 22 сакавіка 2014. Праверана 28 студзеня 2016.
  2. ↑ Путин объединил Южный и Крымский федеральные округа
  3. ↑ Рэспубліканскі камітэт па зямельных рэсурсах Рэспублікі Крым Архівавана 13 ліпеня 2014. // Рэспубліканская праграма выкарыстання і аховы зямель у Аўтаномнай Рэспубліцы Крым на 2010—2015 гады Архівавана 15 ліпеня 2014.
  4. ↑ Інформаційно-довідковий сайт Україна: Територія України; таксама: Служба статыстыкі Рэспублікі Крым Архівавана 13 чэрвеня 2014.
  5. ↑ Рэспубліка Крым на сайце Савета Федэрацыі РФ
  6. ↑ Севастопаль на сайце Савета Федэрацыі РФ
  7. ↑ Управління статыстыкі ў м. Севастополі Архівавана 10 лютага 2015.

Спасылкі