Аляксандр фон Клюк
Alexander Heinrich Rudolph von Kluck
Нараджэнне	20 мая 1846(1846-05-20)[1] Мюнстэр, адміністрацыйная акруга Мюнстэр, правінцыя Вестфалія, Каралеўства Прусія
Смерць	19 кастрычніка 1934(1934-10-19)[1] (88 гадоў) Берлін, Трэці рэйх
Месца пахавання	Штансдорфскія паўднёва-заходнія могілкі[d]
Член у	Bonner Burschenschaft Germania[d][2]
Дзейнасць	армія[3]
Аўтограф
Ваенная служба
Гады службы	1866 — 1916
Прыналежнасць	Прусія Германская імперыя
Род войскаў	Пруская армія
Званне	Генерал-палкоўнік
Камандаваў	1-я армія
Бітвы	Аўстра-пруска-італьянская вайна Франка-пруская вайна Першая сусветная вайна
Узнагароды
Медыяфайлы на Вікісховішчы

Алякса́ндр фон Клюк (ням.: Alexander Heinrich Rudolph von Kluck; 20 мая 1846 — 19 кастрычніка 1934) — германскі ваенны дзеяч, генерал-палкоўнік.

Ён пачаў службу ў прускай арміі ў часы сямітыднёвай аўстра-прускай вайны 1866 года, падчас франка-прускай вайны быў паранены двойчы і быў узнагароджаны Жалезным крыжам (другога класа) за адвагу. Яму было нададзена званне генерала ад інфантэрыі ў 1906 годзе, у 1913 годзе быў прызначаны генеральным інспектарам VIII-й армейскай інспекцыі.

З пачаткам Першай сусветнай вайны ён быў прызначаны камандуючым 1-й арміі, утворанай на базе падначаленай яму інспекцыі, у чыю задачу, згодна з Планам Шліфена, уваходзіў наступ на правым крыле Заходняга фронту па тэрыторыі Бельгіі з мэтай акружэння Парыжу з захада.

У канцы сакавіка 1915 года падчас агляду перадавых частак сваіх войскаў ён быў паранены асколкамі шрапнэлі, што сур’ёзна пашкодзіла нагу. Неўзабаве пасля гэтага ён атрымаў ордэн Pour le Mérite. У кастрычніку 1916 года фон Клюк перайшоў на атрыманне паловы акладу ў адпаведнасці з яго просьбай сысці ў адстаўку.

Яго сын, лейтэнант Эган фон Клюк, быў забіты ў пачатку 1915 года.

• На Вікісховішчы ёсць медыяфайлы па тэме Аляксандр фон Клюк