Zastava NTV

Zastava NTV
Выява
Краіна паходжання
Лагатып Вікісховішча Медыяфайлы на Вікісховішчы

Zastava NTV (па-сербску: Ново теренско возило) — сербскі шматмэтавы армейскі пазадарожнік, распрацаваны Ваенна-тэхнічным інстытутам і Zastava Trucks, і вырабляны кампаніяй Zastava TERVO. Асноўнымі аператарамі дадзеных машын з’яўляюцца Узброеныя сілы Сербіі.

Гісторыя

Першы прататып аўтамабіля распрацаваны ў 2011 годзе Бялградскім ваенна-тэхнічным інстытутам сумесна з экспертамі інжынернага факультэта Крагуевацкага ўніверсітэта і інжынерамі кампаніі Zastava Trucks для Узброеных Сіл Сербіі. Машына прызначалася для хуткай перавозкі войскаў і рознага абсталявання па дарогах і бездаражы.

Дзякуючы модульнаму шасі з 2011 па 2017 год было распрацавана мноства розных варыянтаў машыны, а пасля шырокіх выпрабаванняў у цэнтры тэхнічных выпрабаванняў з удзелам аўтамабіля ў 25.000-км выпрабаванні ў суровых умовах, NTV быў прыняты на ўзбраенне.

Апісанне

Прызначаны для работы ў горных, далінных, лясных, снежных, вільготных, халодных і гарачых умовах, а таксама здольны працаваць пры розных тэмпературах навакольнага паветра ў дыяпазоне ад -25 да 40 °C. Аўтамабіль мае куты ўезду і з’езду па 35° кожны. Zastava NTV можа пераадольваць падоўжныя ўхілы на 60% і папярочныя ўхілы на 35%, а таксама пераадольваць брод крутасцю ў 0,7 м глыбока ў вадзе.

Аўтамабіль можа перавозіць 1,4 тоны грузу і прычэп масай у 1,7 тоны.

У базавых варыянтах мае дызельны рухавік Cummins 2.8 з турбанаддувам, ахаладжальнікам паветра і 5-ступеністую сінхронную механічную каробку перадач ZF 5S 400. Мае колавую формулу 4x4 з пастаянным поўным прывадам з электрычнай камандай блакавання для прывада сепаратара і асобнымі электрычнымі камандамі дыферэнцыяла для пярэдняга і задняга моста. Ён мае радыяльныя бяскамерныя шыны 255/100 R16 з опцыяй Run Flat.

Варыянты

Існуе тры розных варыянту NTV[1][2][3]:

  • з экіпажам з 2+1 чал.
  • з падоўжанай кабінай і экіпажам з 8+1 чал.
  • з экіпажам з 5+1 чал.

Дзякуючы сваёй модульнай канструкцыі ён можа быць санітарнай, камандна-штабной, ваеннай сувязі, ваеннай паліцыі, разведвальнай, наземнай і паветранай РЛС, гукавога назірання і ўзброенай машынай.

Крыніцы

  1. ↑ ZK 1.4t, 4x4, 5+1 OFF-ROAD VEHICL E | SDPR. Yugoimport. Архівавана з першакрыніцы 8 студзеня 2018. Праверана 7 студзеня 2018.
  2. ↑ NEW OFF-ROAD VEHICLE 40.13 H | SDPR. Yugoimport. Архівавана з першакрыніцы 8 студзеня 2018. Праверана 7 студзеня 2018.
  3. ↑ 40.13 H extended cab | SDPR. Yugoimport. Архівавана з першакрыніцы 8 студзеня 2018. Праверана 7 студзеня 2018.