24 кастрычніка — дзвесце дзевяноста сёмы (дзвесце дзевяноста восьмы ў высакосны год) дзень года па Грыгарыянскім календары.

• 69: Год чатырох імператараў: Войска Веспасіяна разбіла армію Вітэлія ў бітве пры Бедрыяцы
• 1648: Падпісаны Вестфальскі мір, які скончыў Трыццацігадовую вайну ў Еўропе
• 1654: Адбылася бітва пад Шапялевічамі ў ходзе вайны Расіі з Рэччу Паспалітай (1654—1667)
• 1656: Заключана Віленскае перамір’е паміж Расіяй і Рэччу Паспалітай, расійскаму цару перамір’е патрэбна было для падрыхтоўкі да вайны супраць Швецыі
• 1658: Расійскія войскі нанеслі паражэнне войску Рэчы Паспалітай у бітве каля вёскі Веркі пад Вільняй, польны гетман літоўскі А. Гансеўскі трапіў у палон
• 1780: Марцін Пачобут-Адляніцкі прызначаны рэктарам Галоўнай школы ВКЛ, рэарганізаванай з Віленскай акадэміі
• 1851: Брытанскі астраном Уільям Ласел адкрыў Арыэль, спадарожнік Урана
• 1889: Скончана будаўніцтва Эйфелевай вежы
• 1938: Міністр замежных спраў Трэцяга рэйху Іаахім фон Рыбентроп прадставіў польскаму амбасадару ў Берліне патрабаванне аб перадачы Германіі ўсіх правоў на Гданьск
• 1945: Увайшоў у сілу Статут Арганізацыі Аб’яднаных Нацый
• 1946: Атрымана першая фатаграфія Зямлі з космасу
• 1981: У Беластоку адбыўся сход беларускіх студэнтаў, вырашана легалізаваць беларускія студэнцкія структуры пры ВНУ Польшчы
• 1995: Рэспубліка Беларусь устанавіла дыпламатычныя адносіны з Алжырам
• 2003: Камп’ютарная гульня «The Hobbit» была ўпершыню выпушчана ў Еўропе для платформы Game Boy Advance.

• 51: Даміцыян, рымскі імператар з 81 г. (пам. 18.9.96)
• 1503: Ізабела Партугальская, імператрыца Свяшчэннай Рымскай імперыі
• 1632: Антані ван Левенгук, галандскі натураліст (пам. 26.8.1723)
• 1668: Петр Брандль, чэшскі мастак
• 1804: Вільгельм Эдуард Вебер, нямецкі фізік (пам. 23.6.1891)
• 1811: Фрыдрых Антон Вільгельм Мікель, нямецка-нідэрландскі батанік
• 1862: Даніэль Свароўскі, аўстрыйскі інжынер
• 1882: Імрэ Кальман, венгерскі кампазітар (пам. 30.10.1953)
• 1898: Пэн Дэхуай, Маршал КНР
• 1924: Джон Франклін Кёніг, амерыканскі мастак
• 1925: Лучана Берыа, італьянскі кампазітар
• 1931: Сафія Губайдуліна, татарскі кампазітар
• 1936: Юры Арак, эстонскі мастак
• 1966: Раман Абрамовіч, буйны расійскі прадпрымальнік
• 1973: Венсан Кандэла, французскі футбаліст
• 1973: Аляксандр Некрашэвіч, беларускі мастак-жывапісец
• 1985: Уэйн Руні, англійскі футбаліст

• 996: Гуга Капет, граф Парыжа, заснавальнік дынастыі Капетынгаў
• 1375: Вальдэмар IV Атэрдаг, дацкі кароль
• 1601: Ціха Брагэ, дацкі шляхціч, адзін з першых еўрапескіх астраномаў (нар. 14.12.1546)
• 1655: П'ер Гасендзі, французскі матэматык, астраном
• 1725: Алесандра Скарлаці, італьянскі кампазітар (нар. 2.5.1660)
• 1895: Меер дэ Хан, нідэрландскі жывапісец
• 1944: Канстанцін Быліч, беларускі акцёр
• 1948: Франц Легар, аўстрыйскі кампазітар
• 1953: Лявон Рыдлеўскі, беларускі палітычны і грамадскі дзеяч (нар. 1(14).10.1903)
• 1974: Давід Фёдаравіч Ойстрах, савецкі скрыпач і дырыжор
• 1989: Ежы Кукучка, польскі альпініст

• ААН: Дзень Аб'яднаных Нацый
• Егіпет: Дзень Суэца
• Замбія: Дзень незалежнасці