15 жніўня — дзвесце дваццаць сёмы (дзвесце дваццаць восьмы ў высакосны год) дзень года па Грыгарыянскім календары.

• 718: Арабы знялі аблогу Канстанцінопаля.
• 778: На ар’ергард франкскай арміі Карла Вялікага напалі баскскія сяляне і знішчылі частку арміі. Сярод загінулых быў брэтонскі маркграф Хруодланд (Роланд), якому пазней была прысвечана песня пра Роланда.
• 927: Армія сарацынаў на чале з славянінам Сабірам аль Фата дашчэнту знішчыла грэка-рымскі горад Таранта.
• 1007: Заснаванне горада Ушмаль, цэнтра цывілізацыі мая.
• 1483: Адбылося святочнае адкрыццё Сіксцінскай капэлы.
• 1537: Заснаваны горад Асунсьён, сучасная сталіца Парагвая.
• 1570: Сен-Жэрменскі мір завяршыў рэлігійную вайну ў Францыі паміж гугенотамі і каталікамі.
• 1649: Олівер Кромвель высадзіўся з арміяй у Ірландыі для падаўлення паўстання каталіцкіх раялістаў.
• 1799: Руска-аўстрыйская армія пад камандаваннем А. Суворава разбіла французскія войскі ў бітве пад Нові.
• 1836: Балівійская армія на чале з генералам А. дэ Санта Крусам увайшла ў перуанскую сталіцу Ліму.
• 1893: Адкрыццё Траццякоўскай галерэі ў Маскве.
• 1945: Імператар Хірахіта зрабіў па радыё заяву аб капітуляцыі Японіі ў вайне.
• 1945: У Рэгенсбургу заснаваны Беларускі нацыянальны цэнтр, як галоўны прадстаўнік беларусаў на эміграцыі.
• 1947: Індыя атрымала незалежнасць ад Вялікабрытаніі.
• 1948: У паўднёвай частцы паўвострава Карэя заснавана Рэспубліка Карэя.
• 1960: Рэспубліка Конга атрымала поўную незалежнасць ад Францыі.
• 1968: Землетрасенне на Сулавесі, загінула 68 200 чалавек.
• 1969: Пачаўся Фестываль музыкі і мастацтва Вудсток.
• 1971: Бахрэйн атрымаў незалежнасць.
• 1975: У выніку дзяржаўнага перавароту ў Бангладэш забіты прэзідэнт краіны Муджыбур Рахман.
• 2021: Сілы Талібана ўвайшлі ў Кабул, сталіцу Афганістана.

• 1195: Антоній Падуанскі, партугальскі францысканец, тэолаг, каталіцкі святы
• 1702: Франчэска Цукарэлі, італьянскі мастак
• 1769: Напалеон Банапарт, французскі імператар
• 1771: Вальтэр Скот, англійскі пісьменнік (пам. 21.9.1832)
• 1776: Крысціян Готліб Шык, нямецкі мастак
• 1858: Міхаіл Пліс, праваслаўны святар, прыхільнік беларусізацыі царквы (пам. 29.4.1924)
• 1879: Этэль Бэрымар, амерыканская актрыса
• 1903: Пётр Ракіцкі, біёлаг-генетык, акадэмік Акадэміі навук Беларусі (пам. у 1977)
• 1927: Аляксандр Крывіцкі, беларускі мовазнаўца
• 1949: Роберт Кіршнер, амерыканскі астраном
• 1960: Ігар Варашкевіч, беларускі музыка, лідар гурта «Крама»
• 1963: Валеры Леванеўскі, беларускі прадпрымальнік, палітык, грамадскі дзеяч
• 1972: Бен Афлек, амерыканскі акцёр

• 423: Ганорый, першы заходнерымскі імператар
• 723: О-но Ясумара, японскі культурны дзеяч
• 778: Раланд, герой «Песні пра Раланда»
• 1038: Іштван I Святы, першы кароль Венгрыі
• 1057: Макбет, кароль Шатландыі
• 1118: Аляксей I Камнін, візантыйскі імператар
• 1382: Кейстут, вялікі князь літоўскі
• 1911: Альберт Ладэнбург, нямецкі хімік-арганік
• 1954: Язэп Драздовіч, беларускі мастак, скульптар, этнограф (нар. 1.10.1888)
• 1972: Лявон Баразна, беларускі мастак, дэкаратыўна-ужытковага мастацтва і даследчык культуры (нар. 4.2.1929)
• 1985: Часлаў Будзька, беларускі грамадскі дзеяч, гісторык, настаўнік (нар. 29.6.1913)
• 1988: Мікола Дварэцкі, беларускі хадэцкі дзеяч, паэт (пам. 6.9.1903)
• 1990: Віктар Цой, расійскі рок-музыкант, лідар рок-гурта «Кіно»
• 2012: Гары Гарысан, амерыканскі пісьменнік-фантаст
• 2013: Славамір Мрожак, польскі пісьменнік (нар. 29.6.1930)

• Індыя: Дзень незалежнасці
• Коста-Рыка: Дзень маці
• Ліхтэнштэйн: Дзень Ліхтэнштэйна
• Паўднёвая Карэя, Паўночная Карэя: Дзень вызвалення
• Польшча: Свята Войска Польскага
• Расія: Дзень археолага
• Рэспубліка Конга: Дзень незалежнасці