Расічка

Расічка
Расічка крывяная (Digitaria sanguinalis)
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Метлюжкакветныя Сямейства:  Метлюжковыя Падсямейства:  Просавыя Трыба:  Paniceae Падтрыба:  Anthephorinae Род:  Расічка
Міжнародная навуковая назва
Digitaria Haller, 1768, nom. cons.
Тыпавы від
Digitaria sanguinalis (L.) Scop., 1771, typ. cons. — Расічка крывяная
Сістэматыка на Віківідах Выявы на Вікісховішчы ITIS   203845 NCBI   66017 EOL   108061 GRIN   g:3700 IPNI   329395-2

Расі́чка^[1] (Digitaria) — род кветкавых раслін сямейства Метлюжковыя (Poaceae).

Навуковая назва роду паходзіць ад лац.: digitus — «палец», что ставіцца да размяшчэння галінак суквецця ў многіх відаў расічак.

Шматгадовыя, радзей аднагадовыя травы вышынёй 10—80 см. Сцёблы моцна галінастыя каля асновы, прамастойныя або ляжачыя, часта чырванаватыя. Лісце лінейна-ланцэтнае. Агульнае суквецце — прамы колас з 2—20 пальчата сабраных коласападобных галінак на верхавінцы сцябла. Плод — зярняўка.

Налічвае каля 350 відаў, пашыраных ў трапічных і субтрапічных (пераважна ў Афрыцы) і часткова ва ўмерана цёплых абласцях. На тэрыторыі Беларусі 4 віды^[2], трапляюцца на пясках, па берагах вадаёмаў, як пустазелле на палях.

• Acicarpa Raddi, 1823, nom. illeg.
• Digitariella De Winter, 1961
• Digitariopsis C.E.Hubb., 1940
• Elytroblepharum (Steud.) Schltdl., 1855
• Eriachne Phil., 1870, nom. illeg.
• Gramerium Desv., 1831
• Leptoloma Chase, 1906
• Sanguinaria Bubani, 1901, nom. illeg.
• Syntherisma Walter, 1788
• Trichachne Nees, 1829, nom. nov.
• Valota Adans., 1763, nom. rej.

Тыпавы вид — Digitaria sanguinalis. Род уключае каля 260 відаў. Некаторыя з іх:

• Digitaria ciliaris (Retz.) Koeler, 1802
• Digitaria horizontalis Willd., 1809
• Digitaria ischaemum (Schreb.) Muhl., 1817 — Расічка лінейная
• Digitaria sanguinalis (L.) Scop., 1771 — Расічка крывяная
• Digitaria violascens Link, 1827

Кармавыя, пераважна пашавыя расліны, некаторыя віды культывуюць у Паўднёва-Усходняй Азіі як збожжавыя злакі. Выкарыстоўваюць для барацьбы з эрозіяй, для замацавання пяскоў, насыпаў, стварэння газонаў. Салома расічкі прыдатная на выраб паперы, цыновак, кошыкаў і інш.

• Прохараў В. М. Расічка // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 320. — 10 000 экз. — ISBN 985-11-0035-8. — ISBN 985-11-0216-4 (т. 13).

• Праект «Архив природы России» Архівавана 17 чэрвеня 2018. (руск.)
• Росичка: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
• Энциклопедия Белгородской области Архівавана 4 сакавіка 2016. (руск.)
• Digitaria (Росичка) // ИАС «ООПТ России» (руск.)