Леанід Мацвеевіч Баркоўскі (13 чэрвеня 1938, Мінск, паводле іншых звестак Аршанскі раён — 24 лістапада 2015, Мінск) — беларускі фізік-тэарэтык, доктар фізіка-матэматычных навук (1981), прафесар (1983).

У 1955—1960 гадах вучыўся на фізіка-матэматычным факультэце Магілёўскага педагагічнага інстытута, па заканчэнні якога на працягу года працаваў настаўнікам фізікі ў вёсцы Навасёлкі Магілёўскага раёна. З 1961 года ў аспірантуры на кафедры тэарэтычнай фізікі Беларускага дзяржаўнага ўніверсітэта, працаваў выкладчыкам. У 1984—2003 гадах загадчык кафедры тэарэтычнай фізікі Беларускага дзяржаўнага ўніверсітэта.

Навуковыя працы ў галіне хвалевай фізікі. Распрацаваў метад эвалюцыйных аператараў для рашэння прамых і адваротных задач у оптыцы і акустыцы крышталёў.

Узнагароджаны: Ганаровая грамата Вярхоўнага Савета БССР (1982); Нагрудны знак «За выдатныя поспехі ў працы» Міністэрства вышэйшай адукацыі СССР (1988); «Charted Physicist» from Institute of Physics (2000); Прэмія імя акадэміка Ф. І. Фёдарава (2007).

• О тензоре показателей преломления в кристаллооптике. // Кристаллография. Т. 21. № 3. 1976.
• Операторы Коши и лучевые операторы в геометрооптике анизотропных сред (разам з Фо Тхі Нгует Хангам). // Оптика и спектроскопия. Т. 70. № 1. 1991.
• Поляризованные волны в сложных средах (разам з А. Фурсам). Минск. 2002.
• Операторные методы описания оптических полей в сложных средах (разам з А. Фурсам). Минск. 2003.

• Баркоўскі Леанід Мацвеевіч // Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — С. 309. — 10 000 экз. — ISBN 985-11-0035-8. — ISBN 985-11-0061-7 (т. 2).
• Прафесары і дактары навук Беларускага дзяржаўнага ўніверсітэта, 1921—2001 / [складальнік А. А. Яноўскі]. — Мінск, 2001. — С. 20—21.
• Республика Беларусь : энциклопедия : [в 7 т.]. — Минск, 2006. — Т. 2. — С. 204.

• Леонид Матвеевич Барковский Архівавана 2 снежня 2012. (руск.)// Сайт кафедры тэарэтычнай фізікі фізічнага факультэта БДУ
• Ими гордится БГУ. Заслуженные сотрудники. БАРКОВСКИЙ Леонид Матвеевич Архівавана 14 чэрвеня 2023. (руск.) (Праверана 7 чэрвеня 2023)
• БАРКОВСКИЙ Леонид Матвеевич // Изобретатель, № 7(187) 2015. — С. 32. (руск.) (Праверана 7 чэрвеня 2023)