Вёска Баева Краіна Беларусь Вобласць Віцебская Раён Дубровенскі Сельсавет Зарубскі Каардынаты 54°29′13″ пн. ш. 31°06′43″ у. д.HGЯO Насельніцтва ▼144 чал. (2009) Часавы пояс UTC+3 Тэлефонны код +375 2137 Паштовыя індэксы 211052 Аўтамабільны код 2 СААТА 2224817008 Баева на карце Беларусі ±

Баева на Вікісховішчы

Ба́ева^[1] (трансліт.: Bajeva, руск.: Баево) — вёска ў Дубровенскім раёне Віцебскай вобласці Беларусі. Уваходзіць у склад Зарубскага сельсавета.

Да 2004 года цэнтр Баеўскага сельсавета^[2].

Вёска знаходзіцца за 28 км у напрамку на паўднёвы ўсход ад горада Дуброўна, за 120 км ад Віцебска, за 30 км ад чыгуначнай станцыі Пагодзіна. Каля вёскі працякае рака Мярэя.

Вядомая з XVI стагоддзя. Згадваецца ў 1646 як цэнтр маёнтка ў Аршанскім павеце ВКЛ^[3]. З 1772 г. у Копыскім, з 1861 г. у Горацкім паветах Магілёўскай губерні Расійскай імперыі. У 1886 годзе з вёсцы было 98 двароў, валасное ўпраўленне, дзейнічалі 2 школы, 2 праваслаўныя царквы, вадзяны млын, багадзельня і 7 крамаў. З 1919 года Баева — мястэчка ў Гомельскай губерні, з 1922 года — цэнтр воласці ў Смаленскай губерні РСФСР. З 1924 года Баева ў складзе БССР, цэнтр сельсавета ў Ляднянскім, з 1931 г. у Дубровенскім раёнах. У Вялікую Айчынную вайну, у час акупацыі з ліпеня 1941 г. да 30 верасня 1943 г., захопнікі спалілі вёску і загубілі 110 яе жыхароў.

• 1880 год — 98 двароў, каля 1000 жыхароў:
• напярэдадні Вялікай Айчыннай вайны — 220 двароў, 1095 жыхароў;
• 1995 год — 98 двароў, 297 жыхароў.

• Брацкая магіла савецкіх воінаў.

• Мікалай Аляксандравіч Гарулёў — рускі і беларускі савецкі паэт, празаік, перакладчык, сцэнарыст і драматург
• Самуіл Мацвеевіч Эйдлін (1914—1989) — рускі і яўрэйскі савецкі празаік, паэт, франтавы карэспандэнт, дзіцячы пісьменнік.

• Баева // Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — 480 с. — 10 000 экз. — ISBN 985-11-0035-8. — ISBN 985-11-0061-7 (т. 2). — С. 226.
• Республика Беларусь. Витебская область: Общегеографический атлас (руск.) / Ред. И. Н. Шлык. — Мн.: РУП «Белкартография», 2008. — С. 36. — 36 с. — 5 000 экз. — ISBN 978-985-508-049-8.

• На Вікісховішчы ёсць медыяфайлы па тэме Баева (Дубровенскі раён)