A Vega Baixa d'a Segura (en castellano y oficialment Vega Baja del Segura, en catalán Baix Segura) ye una comarca d'o sud d'o País Valenciano, con capital en Oriuela.
Muga a o norte con o Vinalopón Meyo y o Baixo Vinalopón, a l'este con a Mar Mediterrania, y a l'ueste y a o sud con a Rechión de Murcia, en a comarca d'o Campo de Cartachena.
Luenga
Ye una comarca de luenga castellana de fueras d'o municipio de Guardamar del Segura, a o sud d'o río, y o barrio de Barbarroja d'Oriuela, en que a chent de mas edat encara charra o catalán valenciano. Manimenos, igual que en Murcia, bi ha lumerosos repuis de catalán. Ixo se debe a o feito de que ista comarca yera, en os sieglos XIII a XVIII, valencianofablant de tot, pero ciudaz como Oriuela se castellanizoron en o sieglo XVIII por os repoblamientos d'o sieglo XVII y posteriors.