L'Alto Vinalopón (en valenciano Alt Vinalopó, en castellano Alto Vinalopó) ye una comarca d'o sud d'o País Valenciano, situata a lo nord-este d'a provincia d'Alicant. Debe o suyo nombre a que cheograficament se troba en a parti alta d'o río Vinalopón y la suya capital ye Villena. Tien una superficie de 674 km² y l'anyo 2006 teneba una población de 52.322 habitants. A comarca basa la suya economía en a industria textil y d'o calcero, entre d'atras, y en menor meda en l'agricultura y os servicios. A temperatura meyana anyal ye de 14 °C y a precipitación meyana anyal de 359 mm.
Muga a lo norte con a Costera y a Val d'Albaida, a l'este con l'Alcoyán, a lo sud con o Vinalopón Meyo y a l'ueste con Castiella-La Mancha y a Rechión de Murcia. Antimás, as localidaz d'ista comarca tienen una relación sociocultural y economica important con a localidat de Caudet, que se troba en Castiella-La Mancha encara que historicament ha estau valenciana.
Luengas
En Villena, Salinas y Xaix parlan castellano, en os atros municipios parlan valenciano.
.svg){kind=small}
