L'Alto Palancia (en castellano Alto Palancia, en catalán Alt Palància) ye una comarca d'o País Valenciano situata en l'interior, con capital en Segorb.
Cheografía
Ye una val ampla deseparata de l'Alto Millars por as Sierras de Pina y Espadán. O clima no ye tan continental en o fondón, pero ye frido en as zonas montanyosas. O río de Segorb, oficialment rebaptizato como Palancia, permite reganos de trunfas, panizo y arbols fruitals.
Ha tenido muita relación con Teruel.
Mugas
Muga a lo norueste con Aragón y Los Serrans, a lo norte con l'Alto Millars, a l'este con a Plana Baixa, a lo sud-este con o Campo de Murviedro, y a lo sud muga con o Campo de Turia.
Historia
Ista comarca fue repoblata por aragoneses. En o repartiment mencionan a donación de parte d'esta comarca a lo concello de Teruel:
Concilium Turolii, castrum et villam de
Xeriqua. Et accipiat terminos d'a
rivo Alventosa citra usque talainam de
Bexexc, et in hoc termino sint vertentes de
Monalgarau et
Almanza et
Alcota, usque ad colatum de
Villamalur, et usque ad congosto de
Sogorbe, et usque ad buqueras de
Liria. Et in donacione ista sint Pardinas, Buqueras, Marinos et Guadalmar, cum suis terminis. X kalendas julii. Et habeant forum turolensis, salvis donacionibus militum.
Parla
Ye una comarca castellanoparlant, on se charra o churro, variedat d'o castellano con mas substrato aragonés que a parla baturra y un adstrato catalán.
.svg){kind=small}
