Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Republica Tunecina الجمهورية التونسية al-Jumhūrīyah at-Tūnisīyah République tunisienne
O nombre actual de Tunicia u Tunisia, que promana d'o francés, se deriva d'o nombre d'a suya capital, Túniz, seguiu d'o sufixo latín -ie.[3] Posteriorment, o derivau latín estió adoptau en quantos atros idiomas europeus, entre ells l'aragonés, con cualques modificacions, pa diferenciar o país d'a ciudat de Túniz.
Cheografía
Bi ha dos zonas naturals, l'aria mediterrania u Ifriquiya y l'aria sahariana semidesertica u Cairuán. A suya capital ye Túniz y ye en a costa mediterrania.
O clima de Tunicia ye mediterranio en o norte, con hibiernos suaus y pleviosos y veranos calurosos y ixutos. O sud d'o país ye desertico. O terreno en o norte ye montanyoso que, enta lo sud, da paso a una plana central calida y ixuta. O sud ye semiarido y desemboca en o Sahara. Una serie de lacos salaus, conoixius como chotts u shatts, se troban en una linia este-oeste en l'extremo norte d'o Sahara, y s'extienden dende lo golfo de Gabes dica Alcheria. O puesto mas baixo ye Chott el Djerid a 17 metros baixo lo libel d'a mar y lo mas alto ye Jebel ech Chambi a 1.544 metros.[4]
Organización politico-administrativa
Gubernacions
Tunicia ye dividida en 24 gubernacions (Wilaya) que levan o nombre d'as suyas capitals.
Source : Institut national de la statistique de Tunisie
Cheografía humana y sociedat
Gastronomía
A cocina tunecina ye herencio d'as distintas poblacions que s'han succediu y s'han mesclau en Tunicia. Se distingue per l'emplego important d'especias y hierbas aromaticas, destacando lo coralet, o zafrán, o chinchebre, o comín, o coriandro, o pebre, a curcuma u l'alcaraveya. Os platos se basan esencialment en productos locals: peix, cordero y vetiella, hordio (duro y tovo) y una ampla gama de fruitas y verduras. A base d'a dieta ye la semula, d'astí lo cuscús y la pasta.
Referencias
↑(de)Das aktuelle Buch der Allgemeinbildung. 550.000 Daten und Fakten. 10.000 Einzelthemen, Bertelsmann Lexikon Institut, 2003, ISBN 3-577-13530-1, p. 612 - 675
↑(en) Adrian Room, Placenames of the World : Origins and Meanings of the Names for 6,600 Countries, Cities, Territories, Natural Features and Historic Sites, Jefferson, McFarland, 2006, 433 p. (ISBN 978-0-786-42248-7), p. 385.
↑(en) Aldosari, Ali (2006). Middle East, western Asia, and northern Africa. Marshall Cavendish. pp. 1270–. ISBN 978-0-7614-7571-2.