La sierra d'Escoriuela ye una aliniación montanyosa de lo Sistema Iberico[1] con dirección N-S situada a l'este de la fuesa de Alfambra y a l'ueste de la depresión d'El Pobo-Cedriellas. Fa part de la unidat morfoestructural dita "Serranías de Gúdar"[2].
Las suyas altarias mes grans son Hoyalta u Las Cruces (1.761 m) y l'alto de Castelfrío (1.758 m)[3]. Las suyas versants este y ueste desauguan enta lo río Alfambra.
Toponimia
Esta sierra ha teniu d'entre historia diferents denominacions: d'Escoriuela, de Castelfrío, de San Jaime y d'El Pobo, predominando en lo sieglo XX la zaguera.
L'oronimo sierra d'Escoriuela se conoix dende lo sieglo XII. En 1174 lo rei Alifonso II lo Casto donó Alfambra a lo conte Rodrigo y en fizo mención:
Placuit mihi bono animo et spontanea voluntate et pro remedio anime mee et parentum meorum, quod dono vobis
Alhambra, cum istis terminis, scilicet, de ipsa
Pena Palomera usque in illa
serra de Scurriola, cum illo
vilaro de Chamaies cum suis terminis, sicut ferit ad Alhambra / Et dono vobis
Sperales de Iuso cum suos terminos; et
Miraveto sicut partitur cum
Orrios, et sicut directe ferit in illa
serra de Scurrioles...
La denominación sierra d'Escoriuela encara s'emplegaba a zaguers de lo sieglo XIX y primers de lo sieglo XX:
Al sud de las Cruces del Pobo, en la
loma de San Jaime, prolongación de la
sierra de Escorihuela, las calizas son de dos clases: arcillosas y de color oscuro unas; casi puras, semicristalinas y sonrosadas otras,...
[4]En las Cruces del Pobo (1760 m.), elevada cumbre de la
sierra de Escorihuela, que es una de las ramificaciones septentrionales...
[5]L'oronimo sierra de Castelfrío yera d'uso corrient en lo sieglo XVI, conoixendo-lo Labanha, que lo transmitió en lo suyo "Itinerario del Reyno de Aragón (1610-1611)":
No se'n conoixe por la documentación la variant con fonetica aragonesa mes conservadora con la palabra frido < FRIGIDU, que si que s'ha puesto documentar en bel lugar de la provincia (Fuent Frida, Fridas d'Albarracín, Arroyofrido). D'acuerdo con William Dennis Elcock la radiz castel de muitos toponimos aragoneses probablement no se refiera a garra "castiello" y se refiera a cubilars[7].
Manimenos, tamién Lavanha escribe serra del Povo:
A Serra de Castelfrio do m. a P. 23. gr. 2. L. 1/2 / O alto da Serra del Povo do m. a P. 31. gr....
A zaguers de lo sieglo XX consideraba que sierra de Pobo y sierra de San Jaime yeran sinonimos:
Sima de
Hoyalta. — Es una caverna que se abre en la
sierra de Pobo ó
de San Jaime...
[8].
En Corbalán bi habió un culto a "Sant Chaime" en una ermita,[9] lo que podría tener relación con l'oronimo Sierra de San Jaime y los microtoponimos Quartos de San Jaime y Partida de San Jaime tamién en Corbalán cerca d'Escrich.
Actualment en lo castellano local s'escribe mes a sobén sierra del Pobo y las atras denominacions tienen poca representatividat bibliografica.
Referencias
- ↑ (es) Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995, p 143.
- ↑ (es) José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984. p 81-91.
- ↑ (es) Gran Enciclopedia Aragonesa.
- ↑ (es) Instituto Geológico y Minero de España: Boletín del Instituto Geológico de España, Volumen 12. Editor: El Instituto, 1885, p 379.
- ↑ (es) Lucas Mallada: Explicación del mapa geológico de España: Sistemas permiano, triásico, liásico y jurásico. Editor: Est. tip. viuda e hijos de M. Tello, 1902, p 390.
- ↑ (es)(pt) João Baptista Lavanha, Lupercio Leonardo de Argensola, Tomás Fermín de Lezaún y Tornos: Itinerario del reino de Aragón por don Juan Bautista Labaña. Editors: Faustino Sancho y Gil, Establecimiento tipográfico del Hospicio provincial, 1895.
- ↑ (es) William Dennis Elcock: Toponimia del Valle de Tena. AFA, nº XII-XIII, 1961.
- ↑ (es) Instituto Geológico y Minero de España: Boletín del Instituto Geológico de España, Volumen 21, Editor: El Instituto., 1896 p 232.
- ↑ (es) Antonio Gómez Villa: El culto a los santos en la diócesis de Cartagena-Murcia. Investigación del patrimonio histórico-artístico y cultural. Universidat de Murcia.
Bibliografía
Vinclos externos
