O monesterio de Santa María d'Obarra u simplament monesterio d'Obarra[1] ye un monesterio aragonés, que se troba situato en o despoblato d'Obarra, que hue fa parte d'o municipio de Beranui, en a comarca de Ribagorza y provincia de Uesca amán d'o río Isabena. Encara que se conoix a ocupación d'o lugar por monches ya en o sieglo IX, l'edificio actual se debantó en o primer cuarto d'o sieglo XI, en estilo romanico, convertindo-se dende ixe inte en o prencipal centro cultural d'o condau de Ribagorza. Os edificios anteriors no se conservan, ye fácil que destruyitos en os cuantos ataques d'os musulmans contra la localidat en razón d'a suya importancia ta os ribagorzans.
O conchunto fue declarau monumento nacional en l'anyo 1931 y en l'actualidat consta d'a Ilesia de Santa María, dedicata tamién a Sant Pero, Sant Isteban y a la Santa Cruz, o palacio prioral construito por o prior Pere Mur en o sieglo XVI y hue en estau de ruina y a eslesia de San Pavlo d'o sieglo XII. Tamién tenió un molín d'augua en o río Isabena ta fer farina hue acondicinau ta casa de colonias.
Galeria d'imachens
-
-
Decoración d'a paret lateral.
-
-
Puent romanico ta plegar-ie.
-
Anvista aeria de Santa María d'Obarra.
Se veiga tamién
Referencias
Vinclos externos
