| Mark John Burke
|
Burke in Togo, Wes-Afrika. 2024
|
|
| Ampsbekleër
|
Termynaanvang
25 Junie 2024
|
Persoonlike besonderhede
|
| Gebore
|
1989
|
| Politieke party
|
Demokratiese Alliansie
|
| Eggenoot/-note
|
Talia Simone da Silva Burke
|
Mark John Burke is 'n Suid-Afrikaanse politikus wat sedert 2024 'n lid van die Nasionale Vergadering van Suid-Afrika vir die Demokratiese Alliansie (DA) is.
Vroë lewe
Burke is in 1989 in Vrystaat gebore en is 'n moedertaalspreker van Afrikaans.[1] Hy het twee baccalaureusgrade in Rekenaarwetenskap en Taaltegnologie aan die Potchefstroom-kampus van die Noordwes-Universiteit verwerf.[2] Tydens sy studentejare aan die universiteit het hy die PUK debatsvereniging gestig.[3] Hy het ook 'n meestersgraad in Rekenaarwetenskap aan die Universiteit van Kaapstad verwerf[4] en 'n PhD aan die Universiteit van Cambridge met 'n beurs van die Mandela Rhodes-stigting.[5]
Burke is die stigter van ExpertRand, 'n maatskappy wat geldoordragdienste vir uitgewekene Suid-Afrikaners verskaf, en 'n medestigter van Kastelo, 'n fintech-maatskappy. Hy is getroud met dr. Talia Simone da Silva Burke.
Parlementêre loopbaan
Burke het as 'n DA-parlementêre kandidaat op die Wes-Kaapse lys in die nasionale verkiesing van 2024 gestaan en is daarna tot die Nasionale Vergadering van Suid-Afrika verkies. Hy is op 25 Junie 2024 ingehuldig.[6] Hy is 'n lid van die Staande Komitee oor Bewilligings en is 'n plaasvervangende lid van die Staande Komitee oor Finansies.[7]
Verwysings
