Kwik(II)sulfaat

Eienskappe

Algemeen

Naam Kwik(II)sulfaat
Struktuurformule van
Struktuurformule van
Chemiese formule HgSO4
Molêre massa 296,66 [g/mol][1]
CAS-nommer 7783-35-9[1]  
Voorkoms wit vastestof[1]  
Reuk Reukloos [1]
Fasegedrag  
Selkonstantes a=658 pm;b= 478 pm; c=482 pm[2]  
Ruimtegroep Pmn21[2] 
Nommer 31
Smeltpunt ontbind 450 °C[1]
Kookpunt
Digtheid 6,47 @ 20 °C[1]
Oplosbaarheid hidroliseer in water; opl. in soutsuur, verd. swawelsuur[1]

Suur-basis eienskappe

pKa

Veiligheid

Flitspunt nie-brandbaar 
LD50 57 [mg/kg] (oraal; rot)[1]

Tensy anders vermeld is alle data vir standaardtemperatuur en -druk toestande.

 
Portaal Chemie

Kwik(II)sulfaat is 'n sout van kwik in sy oksidasietoestand +2 en swawelsuur met die chemiese formule HgSO4.

Dit is baie toksies by inaseming en inname. Dit ontbind teen 450°C en vorm baie toksiese dampe van kwik en swaeloksiede. In water vorm dit 'n onoplosbare geel sulfaathidroksied.

Dit word gebruik vir die ekstraksie van goud en silwer uit piriete en om ander kwikverbindings te vervaardig. Dit word ook in batterye se elektroliete aangewend. Dit word gebruik om kwik(I)- en kwik(II)chloried te vervaardig. In die analitiese chemie word dit gebruik om chloriedione te bind. Dit is 'n katalisator vir die produksie van asetaldehied.

Dit word vervaardig deur kwik(II)oksied of kwik self in swaelsuur op te los.[1]

Kristalstrukture

Watervrye kwik(II)sulfaat kristalliseer in 'n ortorombiese struktuur. Die kwikatome is in 'n verwring-tetraëdriese omringing deur vier suurstofatome wat tot tetraëdriese sulfaatione behoort. Die kwikatome is deur die sulfaatgroepe in sigsagkettings verbind.[2]

Die verbinding vorm 'n monohidraat HgSO4.H2O wat 'n ander ortorombiese struktuur het met ruimtegroep Pnma en a = 787,96(9), b = 542,09(4), c = 897,04(7) pm. Die Hg-atoom is gekoördineer deur een sulfaat O-atoom en een watermolekule wat diskrete HgSO4.H2O-groepe vorm. Hulle is deur waterstofbindings verbind om 'n driedimensionele struktuur te vorm. Vier verder verwyderde O-atome van ander sulfaattetraëders voltooi 'n onreëlmatige oktaëder rondom die Hg-atoom.[3]

Verwysings

  1. ↑ 1,0 1,1 1,2 1,3 1,4 1,5 1,6 1,7 1,8 "Compound summary". PubChem NIH. Besoek op 11 Oktober 2023.
  2. ↑ 2,0 2,1 2,2 A. Bonefačić (1963). "The Crystal Structure of Anhydrous Mercuric Sulphate". Croatica chimica acta. 35: 195.{{cite journal}}: AS1-onderhoud: gebruik authors-parameter (link)
  3. ↑ Stålhandske, C. (1980). "An x-ray and neutron diffraction study of mercury(ii) sulphate monohydrate". Acta Crystallographica Section B Structural Crystallography and Crystal Chemistry. 36 (1): 23–26. doi:10.1107/s0567740880002361.{{cite journal}}: AS1-onderhoud: gebruik authors-parameter (link)