PROFILPELAJAR.COM

Damon Galgut
Damon Galgut
	Damon Galgut in 2013
Gebore	12 November 1963 (60 jaar oud) ; Pretoria, Suid-Afrika
Nasionaliteit	Suid-Afrika
Beroep	Skrywer
Bekend vir	Dramas, fiksie, kortverhale
Toekennings	Booker-prys (2021) ; Statebondskrywersprys (2003)

Damon Galgut (Pretoria, 12 November 1963) is 'n Suid-Afrikaanse skrywer wat in Engels skryf. Op 3 November 2021 het hy die Booker-prys vir sy boek The Promise gewen. Sy werk was ook in 2003 en 2010 op die kortlys vir die prys.^[1]

Vroeë lewe en opvoeding

Galgut is in Pretoria, Suid-Afrika, gebore.^[1]^[2] Sy vader was uit 'n Joodse familie en sy moeder het haar tot die Judaïsme bekeer.^[3]^[4]

Galgut het in 1981 aan Pretoria Boys High School gematrikuleer en was in dié jaar sy skool se hoofseun.^[5] Hy het daarna drama aan die Universiteit van Kaapstad studeer.^[2]

Letterkundeloopbaan

Galgut het sy eerste roman, A Sinless Season (1982), geskryf toe hy 17 jaar oud was.^[6] Sy volgende boek was 'n versameling kortverhale met die titel Small Circle of Beings (1988).^[7]^[8] Sy roman The Beautiful Screaming of Pigs (1991) het in 1992 die Central News Agency-prys vir Letterkunde gewen.^[9]

Van sy volgende roman, The Quarry (1995), is 'n rolprent gemaak wat in 1998 uitgereik is. 'n Tweede weergawe is in 2020 uitgereik.^[10]^[11]

Nadat sy vyfde roman, The Good Doctor, in 2003 gepubliseer is, het Galgut se werk beter bekend geraak buite Suid-Afrika.^[12] Die boek is goed deur resensente ontvang^[13] en was in 2003 op die kortlys vir die Booker-prys.^[14] Dit het ook die Statebondskrywersprys vir Beste Boek: Afrika (2003) gewen.^[2]

Sy roman In a Strange Room was op die kortlys vir die Booker-prys vir fiksie.^[15] Sy roman The Promise het in 2021 die Booker-prys gewen.^[16] Hy was die derde Suid-Afrikaanse skrywer wat dit wen, naas Nadine Gordimer en J.M. Coetzee, wat twee keer gewen het.^[17]

Galgut sê die tema van die boek is tyd. Die oorspronklike idee kom van 'n gesprek met 'n vriend, wat die laaste oorblywende lid van sy familie is. Hy het Galgut vertel van die begrafnisse van sy ma, pa, broer en suster wat hy bygewoon het.^[18]

Benewens sy romans het Galgut verskeie toneelstukke geskryf.^[9] Toe hy die Booker-prys wen, was hy aan die werk aan 'n versameling kortverhale.^[19]

Persoonlike lewe

Galgut is gay en het al gesê dit laat hom in sy skryfwerk meer op manlike verhoudings fokus.^[20] Hy woon sedert die vroeë 1990's in Kaapstad.^[21]

Galgut is 'n ywerige reisiger en het The Good Doctor in 'n hotel in Goa, Indië, geskryf. Hy sê hy is "obsessief' oor joga en het vir 'n ruk nie 'n motor of televisie besit nie.^[22] Hy het 'n "fetisj oor skryfbehoeftes" en skryf sy boeke eers in lopende skrif en tik dit daarna op 'n tikmasjien. Hy gebruik 'n spesifieke Parker-skilpaddopvulpen vandat hy 20 is.^[23]

Werke

Romans

A Sinless Season, 1982
Small Circle of Beings, 1988
The Beautiful Screaming of Pigs, 1991
The Quarry, 1995
The Good Doctor, 2003
The Impostor, 2008
In a Strange Room, 2010
Arctic Summer, 2014
The Promise, 2021

Toneelstukke

Echoes of Angers
Party for Mother
Alive and Kicking
The Green's Keeper

Verwysings

↑ ^1,0 ^1,1 "Damon Galgut" (in Engels). Booker Prize. Geargiveer vanaf die oorspronklike op 15 September 2021. Besoek op 4 November 2021.
↑ ^2,0 ^2,1 ^2,2 Cornwell, Gareth; Klopper, Dirk; Craig, MacKenzie (2010). The Columbia Guide to South African Literature in English Since 1945. Columbia University Press. p. 95. doi:10.7312/corn13046. ISBN 978-0-231-50381-5.
↑ Kona, Bongani (3 Augustus 2021). "Sharp Read | Breaking the word". New Frame. Geargiveer vanaf die oorspronklike op 4 November 2021. Besoek op 4 November 2021.
↑ Lenta, Margaret (14 September 2007). "Jewish writers and postcolonial choices in South Africa". In Stähler, Axel (red.). Anglophone Jewish Literature. Routledge. p. 171. doi:10.4324/9780203939222. ISBN 978-1-134-12142-7.
↑ "Boys High Annual Events" (PDF). p. 28. Geargiveer (PDF) vanaf die oorspronklike op 15 September 2021. Besoek op 15 September 2021.
↑ Alter, Alexandra (3 November 2021). "Damon Galgut Wins Booker Prize for 'The Promise'". The New York Times (in Engels (VSA)). ISSN 0362-4331. Geargiveer vanaf die oorspronklike op 3 November 2021. Besoek op 4 November 2021.
↑ "'Writing is what I am'". The Irish Times (in Engels). Geargiveer vanaf die oorspronklike op 4 November 2021. Besoek op 4 November 2021.
↑ Kostelac, Sofia (3 Julie 2015). "The Singularity of Damon Galgut's Small Circle of Beings". Journal of Literary Studies (in Engels). 31 (3): 73. doi:10.1080/02564718.2015.1083173. ISSN 0256-4718. S2CID 147278190.
↑ ^9,0 ^9,1 Keppen, Julie, red. (2005). "Galgut, Damon 1963–". Contemporary Authors. Vol. 229. Gale. pp. 132–133. ISBN 0-7876-6709-9. ISSN 0010-7468. Geargiveer vanaf die oorspronklike op 29 Junie 2021. Besoek op 4 November 2021.
↑ Teems, Scott (17 April 2020), The Quarry, Prowess Pictures, Grindstone Entertainment Group, Metalwork Pictures, https://www.imdb.com/title/tt10151054/, besoek op 4 November 2021
↑ Sobczynski, Peter (17 April 2020). "The Quarry movie review" (in Engels). Geargiveer vanaf die oorspronklike op 1 Oktober 2021. Besoek op 4 November 2021.
↑ Yampolsky, Selma (2007). World Authors, 2000–2005. H.W. Wilson Company. pp. 271–273. ISBN 978-0-8242-1077-9. OCLC 154484284.
↑ "Damon Galgut Bio". British Council. Geargiveer vanaf die oorspronklike op 1 Julie 2015. Besoek op 20 September 2013.
↑ Skidelsky, William (22 Junie 2008). "A fresh eye in the Rainbow Nation". The Observer. Geargiveer vanaf die oorspronklike op 23 Junie 2008. Besoek op 16 Julie 2008.
↑ Russo, Maria (17 Desember 2010). "Running in Place". The New York Times. Geargiveer vanaf die oorspronklike op 11 Februarie 2015. Besoek op 24 Februarie 2017.
↑ Flood, Alison (3 November 2021). "Damon Galgut wins Booker prize with 'spectacular' novel The Promise". The Guardian (in Engels). Geargiveer vanaf die oorspronklike op 3 November 2021. Besoek op 3 November 2021.
↑ Alter, Alexandra (3 November 2021). "Damon Galgut Wins Booker Prize for 'The Promise'". The New York Times. Geargiveer vanaf die oorspronklike op 3 November 2021. Besoek op 3 November 2021.
↑ "Damon Galgut Q&A | The Booker Prizes". thebookerprizes.com (in Engels). Geargiveer vanaf die oorspronklike op 27 Oktober 2021. Besoek op 22 September 2021.
↑ "Damon Galgut | The Booker Prizes". thebookerprizes.com (in Engels). Geargiveer vanaf die oorspronklike op 15 September 2021. Besoek op 4 November 2021.
↑ Allfree, Claire (18 Junie 2008). "Damon Galgut's end of the rainbow". Metro News. Geargiveer vanaf die oorspronklike op 14 Mei 2013. Besoek op 20 September 2013.
↑ "Damon Galgut: 'The Booker pulls a nasty little trick on you'". The Guardian (in Engels). 4 September 2021. Besoek op 5 November 2021.
↑ Hashemzadeh, Kianoosh. "An Interview with Damon Galgut". Web Conjunctions. Geargiveer vanaf die oorspronklike op 21 Mei 2013. Besoek op 20 September 2013.
↑ Anderson, Hephzibah (4 September 2021). "Damon Galgut: 'The Booker pulls a nasty little trick on you'". The Guardian. Geargiveer vanaf die oorspronklike op 24 September 2021. Besoek op 24 September 2021.