Vloandern

Vloandern (Vlaanderen)
Vloandern in België
Geografie
Hoofdstad	Brussel (Brussel/Bruxelles)
Ippervlak	13.625,54 [1] km²
Bevolkienge
Inweuners Bevolkiengsdichtheid	6.864.766 (1 januoari 2025) [2] 504 inw./km²
Toaln	Nederlands
Politiek
Minister-president	Matthias Diependaele (N-VA)
Coaliesje	N-VA, Vooruit, CD&V
Mêer info
Volkslied	De Vlamsche Lêeuw
Fêestdag	11 juli
Website	Officiële website
Koarte

Vloandern of et Vlams Gewest (Nederlands: Vlaanderen, Frans: Flandre, Duuts: Flandern) es et gebied in België woar dat er Nederlands gesprookn weirdt.

In Vloandern weunn d'r ruum 6,8 miljoen minsn, Vloamiengn genoemd.

D'r zyn drie dialectgroepn: et Vlams (West-Vlams en Oost-Vlams), Broabants en Limburgs.

Vloandern es bestuurd up twee niveaus:

• de Vlamsche Gemêenschap: zy es bevoegd vo persoonsgeboundn materies (lik ounderwys, gezoundheidszorg, sport...) vo olle Vloamiengn in uus land, dus ook dedie in Brussel
• et Vlams Gewest: es bevoegd in Vloandern vo territorioal geboundn materies (ruumtelikke ordenienge, steednbouw, economie, werkgelegenheid, landbouw, openbare werkn).

Vloandern eit by de vierde stoatservormienge uut 1993 (de zgn. Sint-Michielsakkoordn) beslootn vo de Vlamsche Gemêenschap en et Vlams Gewest t'hope te loatn valln. Dat es de reedn voewuk da d'r moar één Vlams Parlement en één Vlamsche regerienge es.

Vloandern is verdêeld in de volgende provinsjes (noame in 't Nederlands tussn haksjes), de provinsjehôofdstad stoat der noast:

1. Antwerpn (Antwerpen) — Antwerpn (Antwerpen)
2. Limburg (Limburg) — Hasselt
3. Ôost-Vloandern (Oost-Vlaanderen) — Gent
4. Vlams-Broabant (Vlaams-Brabant) — Leuven
5. West-Vloandern (West-Vlaanderen) — Brugge

De zetelverdêlienge van 't Vlams Parlement ziet er ezô uut (verkiezingsuutslag):^[3]

¹ VU-ID in 1999

² sp.a-Spirit in 2004

³ VLD-Vivant in 2004

Zie Vlamsche regerienge.

Et Vloandern van nu volt helegansn nie mee t'hôpe met et historische Groafschap Vloandern. Et middeleeuwsche groafschap ligt nu verspreid over:

• de Belgsche provinsjes West-Vloandern en Ôost-Vloandern
• Zêeuws-Vloandern, wuk da nu e stik es van d'Hollandsche provinsje Zêeland
• Frans-Vloandern en Rysels-Vloandern, die nu in et Fransche Noorderdepartement liggn

1. ↑ Statbel
2. ↑ Statbel
3. ↑ ibz

• Vlams Gewest ip belgium.be
• Vloandern ip TopoMapViewer

Ofbeeldiengn die ier by passn ku je vien in de categorie Flanders van Wikimedia Commons.

Belgische landsdêlen
Vlams Gewest: Antwerpn | Limburg | Ôost-Vloandern | Vlams-Broabant | West-Vloandern Woals Gewest: Enegouwn | Luuk | Luxemburg | Noamn | Woals-Broabant Brussels Oofdstedelik Gewest Vlamsche Gemêenschap | Fransche Gemêenschap | Duutstoalige Gemêenschap
België | Gewestn | Gemêenschappn | Provinsjes