Perù

Perù

República del Perú (es)
Bandiera Stema
Ino	Ino Nasionałe de Peru
Bomò	«Firme y feliz por la unión» «Firm and Happy for the Union» «Твърди и радостни за съюза» «Land of the Incas» «연합을 위한 확고한 행복하다» «Gwlad yr Inca»
Pozision
9°24′S 76°00′W9°24′S, 76°00′W
Continente	Amèrica del Sud
Capitałe	Lima
Popołasion
Totałe	33 726 000 (2023)
Densità	26,24 hab./km²
Zènaro	16 556 679 (%49,1)   (%48,2) 16 268 182
Demònemo	peruana, peruane, peruani, peruan, peruegna, peruegne, peruegni, peruegno
Idioma	spagnoło aymara quechua
Speransa de vita	73 (2022) 1 (2021)
Taso de suicìdio	2,7 (2019)
Putełi no scołarizai	476 745 (2015) −34 003 (2014)
Zeografia
Parte de	amèrica latina e sudamèrica
Àrea	1 285 216 km²
Àcua	8,8 %
Ponto pì alto	Huascarán (6 768 m)
Ponto pì baso	Depresión de Sechura (en) (−34 m)
Rente a	Ecuador   Braziłe   Ciłe   Bołivia   Cołónbia   Granda Cołónbia (–1831)
Dati istòreghi
Avegnimento ciave	indipendenza del Perù (it)
Dì festivo	Fiestas Patrias (en) (28 de lujo)
Organizasion pułìtega
Forma de goerno	repùblega presidensiałe
Òrgano ezecutivo	Goerno del Perù (it)
Òrgano lejislativo	Congreso de ła Repùblega del Perù
Presidente del Perù	Dina Boluarte (7 de disenbre del 2022)
Màsema autorità zudisiałe	Corte Costitusionałe del Perù
Ìndaze de Democrasia	6.09/10
Menbro de	Organizasion de łe Nasion Unìe, Union de Nasion Sud-americane, Organizasion mondiałe del comerso, Cooparasion Econòmega de l'Àzia-Pasìfego, Comunità Andina, Banca Internasionałe par ła Recostrusion e Desviłupo, Asociasion Internasionałe del Desviłupo, Corporasion Finansiària Internasionałe, Organismo Multilaterałe de Garansia dei Investimenti, Sentro Internasionałe de Regołamento de Difarense Rełasionae ai Investimenti, Union Africana - Oparasion Ibrida de łe Nasion Unie a Darfur, OPANAL, Interpol[2], Organizasion par ła Proibision de łe Arme Chìmeghe[3], Organizasion Idrogràfega Internasionałe[4], UNESCO[5], Grupo de Oservasion de ła Tera, Union Postałe Universałe[6], Union Internasionałe de Tełecomunicasion[7], Organizasion dei Stati Americani, Organizasion Meteorołòzega Mondiałe[8], Organizasion mondiałe de ła sanità[9], Organizasion Mondiałe de łe Dogane[10] e Tratà de No-Prołifarasion Nucleare[11]
Economia
PIL nomenałe	223 717 791 483 $ (2021)
Persentuałe IVA	18 %
Ìndaze de desviłupamento oman	0,762[13]  (2021[13] )
Moneda	sol
Banca sentrałe	Banca Sentrałe de Reserva del Perù
Taso de dezocupasion	4 %[14]
Coefisente de Gini	43.8/100
Còdazi de identifegasion
ISO 3166-1	PE PER 604
Còdaze de matricołasion	PE
Fuzo oràrio	UTC-5 Time in Peru (en) Amèrica/Lima
Domìnio de primo liveło	.pe
Prefiso tełefònego	+51
Tełèfono d'emerzensa	911 105 (połisia) 116 (ponpieri) 111 117 (servìsio mèdego d'emerzensa) 106 (servìsio mèdego d'emerzensa)
Preza ełètrega	tipo A[17], tipo B[17] e Europlug[17]
Istòrego
← Protetorà del Perù
Sito web	gob.pe

El Perù (en kecua e in aimara: Piruw), ufisalmente Repùblega del Perù, el ze un paeze sovran ponesto a l'ovest de Amèrika del Sud. El osèano Pasìfego el borda ła so kosta e el konfina co l'Ekuador e Kołónbia al nord, Braziłe a l'est, e Bołìvia e Ciłe al sudest. El so teritòrio el ze formà da difarenti paezaji: łe vałi, i altipiani (las mesetas) e łe alte sime de ła Kordilera de łe Ande łe se deslarga a l'ovest verso ła kosta dezèrtega e a l'est verso de l'Amasònia. El ze uno dei paezi ko pì granda diversità biołòzega e pì alte reserve minerałi del mondo^[18][19].

El Antigo Perù el zera sta na rejon de sucesive siviłizasion partindo dal sorzimento de keła Karałe-Supe inte el 3200 v. K.^[20]. El Inpero inkàego el zera sta l'ùltemo Stato autòktono o indìzeno, el kuało el ghea domenà granda parte de l'osidente sudamerican verso el sekoło XV. Inte el sekoło dopo, ła se ghea vesta ła Konkuista de l'Inpero Inka, dopo de ła kuała el teritòrio el se ghea konfigurà kofà un vireinà de l'Inpero spagnoło. No-ostante de ke inte łe Leji Nove del 1542 se ghe rekonoseva i indìzeni kofà dei sùditi lìbari de ła Korona spagnoła, ła kreasion de łe incomiende łe ghea zenerà ke ła ekonomia del vireinà ła se fuse artikułada da torno al disfrutamento de l'arzento e oro kol lavoro forsà dei indìzani e de sciavi africani in miniere e kanpi. Inte el 1551, ła korona spagnoła ła fonda ufisalmente ła Università de San Markos de Lima, ła prima e pì antiga università del Novo Mondo^[21]. Le reforme borbòneghe del sekoło XVIII secoło łe ghea orizenà difarenti sorlevamenti kontro ła autorità kołoniałe, intrà i kuałi el zera sta ła rebejon de Túpak Amaru II^[22].

Ko ła okupasion de Spagna e ła promulgasion de ła kostitusion spagnoła del 1812, i se ghea difondesto idee de autonomia pułìtega inte ła Amèrika spagnoła. La Indipendensa del Perù ła zera stada proklamà formalmente inte el 28 de lujo del 1821 dal zenerałe José Francisko de San Martín e Matoras, e ła zera sta definia inte ła bataja de Aiakuco tre ani dopo^[23]. El paeze el se ghea mantegnesto in recesion e soto el kaudilismo miłitare finmente al perìodo de prosperità e deklin de ła era del Guano, ke ła zera finia poko prima de ła Guera del Pasìfego. Inte el dopoguera, ła se ghea cimentà na pułìtega ołigàrkega ke ła ghea prevałesto finmente a ła fin dei Undaze ani del goerno de Augusto Bernardino Leguía. I sucesivi goerni demokràteghi i zera stai kostantemente interonpesti da kolpi de Stato^[24]. Inte el 1968, ła se ghea inponesto na ditadura miłitar de tinta sociałista ke ła ghea introduzesto difarenti e profonde reforme de stanpo nasionałista^[25]. El goerno demokràtego e reprezentativo el zera sta restabiłio inte el 1980, anka se el zera skumisià un perìodo karaterizà da un sanguenàrio konflito armà intrà i grupi teroristi de Sendero Luminoso e MRTA kontro del Stato; e inte el kontenpo na krize inflasionària. Inte i ani 1990 el se ghea inplementà un modeło ekonòmego neołibarałe, ke el sèvita rezistendo onkora inte el dì de unkó. Gràsie al modeło ekonòmego adotà, inte el skumìsio del XXI sekoło, el paeze el ghea sperimentà un inportante kresimento ekonòmego e na redusion de ła poaresa.

El Perù el ze konsiderà èsar un markà emerzente^[26], ko un alto pontejo inte l'Ìndaze de desviłupo uman e na ekonomia dei rèditi mèdia alta. Intrà łe so prinsipałi atività ekonòmeghe łe se inklude ła agricultura, ła minerària, ła peska, ła kostrusion e el komèrcio^[27].

La kultura peruana ła ze difarente kofà rezultà de l'intenso smisioto kulturałe orizenà inte el perìodo de ła kołonizasion. A sto smisioto ła se unise na posteriora influensa de imigrasion inte el XIX secoło provegnenti dal Japon, Cina e Eoropa. Ła łéngua prinsipałe e pì parlà ła ze ła łéngua spagnoła, anka se un nùmero signifegadivo de peruani i parla vàriei łéngue nadive, intrà łe pì parlae el Kecua (inte ła so variansa suregna^[28]), ła Aimara, l'Ashàninca e el Aguaruna. Pułitegamente, el paeze el ze organizà kofà na repùblega presidensiałista ko un sistema multipartidista struturà soto i prinsipii de ła separasion dei poderi e desentrałizasion. Aministrativamente, el se divide in veintikuatro departementi e ła provincia konstitusionałe del Kalao^[29].

I departementi łe ze łe divizion aministrative majori del paeze d'akordo ko ła kostitusion in vigor^[30]. La divizion departementałe ła nase partindo da ła Indipendensa. El grado de autonomia dei departementi el ze sta flutuante inte ła istòria. Inte l'ano 2002, i zera stai kreai veintisìncue goerni rejonałi kofà enti autònomi destinai a aministrar i veintikuatro departementi e ła provincia del Kalao. I goerni rejonałi i ze formai da un goernador e un konsejo, i kuałi i vien ełezesti da votasion direta e i sta inte el so inkargo par un perìodo de kuatro ani^[31]. Le ze zurisdision kol so pròpio goerno rejonałe i seventi vintikuatro departementi e ła provincia kostitusionałe:

Organizasion teritoriałe del Perù

	Departemento	Kapitałe	Superfise (km²)	Popołasion (Censo 2017)	Densità	Kreasion
	Amazonas	Chachapoyas	39 249,13	379 384	9,7	1832
	Áncash	Huaraz	35 914,81	1 083 519	30,2	1821
	Apurímac	Abancay	20 895,79	405 759	19,4	1873
	Arequipa	Arequipa	63 345,39	1 382 730	21,8	1822
	Ayacucho	Ayacucho	43 814,80	616 176	14,1	1822
	Cajamarca	Cajamarca	33 317,54	1 341 012	40,3	1855
	Callao[n 1]	Callao	146,98	994 494	6815,8	1857
	Cusco	Cusco	71 986,50	1 205 527	16,7	1822
	Huancavelica	Huancavelica	22 131,47	347 639	15,7	1822
	Huánuco	Huánuco	36 848,85	721 047	19,3	1869
	Ica	Ica	21 327,83	850 765	39,9	1866
	Junín	Huancayo	44 197,23	1 246 038	32,4	1825
	La Libertad	Trujillo	25 449,90	1 778 080	69,7	1821
	Lambayeque	Chiclayo	14 231,30	1 197 260	82,8	1874
	Lima	Lima	34 801,59	9 485 405	242,4	1821
	Loreto	Iquitos	368 851,95	883 510	2,4	1866
	Madre de Dios	Puerto Maldonado	85 300,54	141 70	1,7	1912
	Moquegua	Moquegua	15 733,97	174 863	11,1	1837
	Pasco	Cerro de Pasco	25 319,59	254 065	10,2	1944
	Piura	Piura	35 892,49	1 856 809	52,1	1861
	Puno	Puno	71 999,00	1 172 697	17,5	1822
	San Martín	Moyobamba	51 253,31	813 381	15,9	1906
	Tacna	Tacna	16 075,89	329 332	20,5	1875
	Tumbes	Tumbes	4669,20	224 863	48,2	1942
	Ucayali	Pucallpa	102 410,55	496 459	4,9	1980
	Perú	Lima	1 285 216,20	31 237 385	25,02	1821

Le provinse (196 provinse inte el 2015) i ze i munisipi del paeze, komandai da konseji komunałi konosesti kofà Munisipałità Provinsałi. Sti kuà a so volta, i se kata sudividesti in distreti, i kuałi i ze 1869^[32], dirizesti a so volte da Munisipałità Distretuałi. La leje ła permete ła konformasion de Munisipałità de Sentri Popołai, ke i dirize el goerno munisipałe de na popołasion distante da ła kapitałe del distreto par petision dei so abitanti. Ai prinsipałi mandai pułìteghi dei goerni Munisipałi, ełezesti ko un voto popołar ogni kuatro ani, i vien denomenai Sìndaghi provinsałi o Sìndaghi distretuałi (in spagnoło: Alcaldes Provinciales o Alcaldes Distritales).

Le àree metropułitane łe se ga formà kofà konsevensa del kresimento urban de łe sità peruane pì popołae e łe ze formae da ła integrasion de do o pì munisipii. Drio ła Leje 27795 de Demarcasion e Organizasion Teritoriałe, łe vien konsiderae metròpułi peruane łe sità ke łe ga pì de 500 001 abitanti e ke i ga un Pian de Reorganizasion e un Pian de Desviłupo Metropułitan^[33], ste kuà łe ze: Lima-Kalao,^[34] Trujillo,^[35] Arekipa,^[36][37] Ciklaio^[38] e Piura.^[39]

El ga 27 949 630 abitanti.

• 
  Masiso de el Huaskaràn a el sentro ovest
• 
  fiume Manù a sudest
• 
  panorama de Kuzko
• 
  sito istorego de Cancan

• Wikimedia Commons el detien imàjini o altri file so Perù
• Scholia el detien schemi gràfeghi so Perù

• Sito ufisałegob.pe.
• Anna Bordoni, Giovanni Agostinis, Chiara Puri Purini, PERÙ, in Ençiclopedia Italiana, Istituto de ła Ençiclopedia Italiana, 2015.
• Perù, in Disionàrio de istòria, Istituto de ła Ençiclopedia Italiana, 2010.
• Perúsapere.it, De Agostini.
• (IT, DE, FR) Perùhls-dhs-dss.ch, Disionàrio stòrego de ła Svìsara.
• (EN) James S. Kus, John Preston Moore, Robert N. Burr, Javier Pulgar-Vidal e Thomas M. Davies, PeruEnçiclopedia Britannica, Encyclopædia Britannica, Inc.
• (EN) PerùThe Encyclopedia of Science Fiction.
• (EN) Opere di PerùOpen Library, Internet Archive.
• (EN) Opere riguardanti PerùOpen Library, Internet Archive.
• (EN) Perù, in Catholic Encyclopedia, Robert Appleton Company.

v t e Stati del mondo · Amèrica del Sud
Stati	Arzentina • Bołìvia • Braziłe • Ciłe • Cołónbia • Ècuador • Guiana • Paraguai • Perù • Suriname • Uruguai • Venesueła
Dipendense	Fransa Guyana Fransexe Regno Unìo Ìzołe Malvine • Jórja de el Sud e Ìzołe Sènduic meridionałi
Stati solché fizegamente sudamericani[1]	Trinidad e Tobago
Dipendense solché fizegamente sudamericane[2]	Paixi Basi Aruba • Curaçao • Bonaire
Stati in parte sudamericani	Panama
Notasion: ↑ Stato o dipendensa fizegamente sudamerican ma zeneralmente considerà sentro-nordamerican soto del profiło antròpego ↑ Dipendense zeneralmente considerà sentro-nordamerican soto del profiło antròpego

v t e Union de łe nasion sudamericane (UNASUD)
Arzentina · Bołìvia · Braziłe · Ciłe · Cołónbia · Ècuador · Guiana · Paraguai · Perù · Suriname · Uruguai · Venesueła