El ga a nord do grandi cadene de monti, el Rif e l’Atlante, co vete che pasa i 4.000 m.
Inte el sud se cata el dexerto del Sahara.
Łe cadene de monti łe protege el resto del paéxe, che el xe semidexertico al interno e mediteraneo łongo ła costa.
I Fenici i gavéa vari insediamenti su ła costa del Maroco. Ła region ła xera abitá da grupi berberi [30] che i gavéa fondá on regno, che ciapaa rentro tuta ła costa fin zo a ła Mauritania de ancò, za inte el IV secolo a.C..
A ła morte del re Tolomeo (40 d.C.) i Romani i ga anéso el regno come provincia de ła Mauretania Trigitana.
Entel 429 d.C, da ła penisola iberica riva i Vandałi, seguii un secoło dopo dai Vixigoti.
Entel 683 d.C. i ze rivá i Arabi che i era drio conquistar tuto el Maghreb.
Inte el 788, ła prima dinastia locałe de re musulmani ła sale al poder. Se trata dei Idisidi, dal nome del primo re Idris I.
I xe seguì dai Almoravidi, na dinastia berbera che controlaa anca ła Spagna.
Dal 1269 al 1421 xe stá el tenpo de ła dinastia berbera dei Merinidi.
Inte el 1554 el poder el pasa a i Shaditi.
I Alawiti, oncora al poder ancò, i xe sałii al poder inte el 1660.
Inte el 1912, el re el ga dovù sotométarse al protetorato francexe e spagnoło. De sti ani xe ła ribełion de Abd el-Krim co ła fondasion de ła Repùblica del Rif ne łe montagne de l’interno che ła ga durà fin ai primi ani trenta.
Indipendensa
El Maroco l’è torná indipendente inte el 1956.
Entel 1979, el Maroco el ga ocupá el teritorio del Sahara Ocidentałe[31] e'l ga combatuo contro i gueriłieri del Fronte Polisario che i lota par l’indipendensa.
Anca se el Maroco el ga proméso on referendum par l’autodeterminasion de ła zona, el continua a trovar scuxa par rimandar el voto. Al stéso tempo, cołoni marochini vien mandá continuamente inte el Sahara Ocidentałe par crear na popołasion fedełe al re de Casablanca.
Zeografia połitega
El re atuale el xe Mohammad IV.
Sudivixion aministrativa
Sudivixion aministrativa del Maroco
El Maroco el xe divixo in 37 province e in 2 wilaya (distréti sitadini)[Fonte nesesària]:
Łe province (łe ciapa el nome da ła sità capołogo)
Tre altre province (Ad Dakhla (Oued Eddahab), Boujdour) e Es Smara), a cui a se zónta parti de Tan-Tan e de Laayoune, łe se cata inte ła parte reclamà dal Maroco del Sahara Osidentałe.
MaroccoTreccani.it – Enciclopedie on line, Istituto de ła Ençiclopedia Italiana.
Augustin Bernard, Agostino Gaibi, Mario Salfi, Nello Puccioni, Luigi Chatrian, Anna Maria Ratti, Francesco Beguinot, Francesco Tommasini e Georges Marçais, MAROCCO, in Ençiclopedia Italiana, Istituto de ła Ençiclopedia Italiana, 1934.
Giuseppe MORANDINI, Massimo BRUZIO, Ettore ANCHIERI, Romeo BERNOTTI e Raymond THOUVENOT, MAROCCO, in Ençiclopedia Italiana, II Appendice, Istituto de ła Ençiclopedia Italiana, 1949.
Giovanni Cameri, Alberto Ventura, Isabella Camera d'Afflitto, Maria Luisa Zaccheo e Stefania Parigi, MAROCCO, in Ençiclopedia Italiana, V Appendice, Istituto de ła Ençiclopedia Italiana, 1993.
(EN) L. Carl Brown, Will D. Swearingen, Abdallah Laroui, Nevill Barbour e Susan Gilson Miller, MoroccoEnçiclopedia Britannica, Encyclopædia Britannica, Inc.
.svg){kind=small}
.svg){kind=small}
.svg){kind=small}
