Ito ay nagsisilbing pampitong estasyon para sa mga tren na patungong Fernando Poe Jr., at ikalabing-siyam na estasyon para sa mga tren na patungong Dr. Santos.
Isa ang EDSA sa mga apat na estasyon ng LRT na naglilingkod sa Lungsod ng Pasay, ang iba pa ay Gil Puyat, Libertad at Baclaran.
Mga kalapit na palatandaang pook
Malapit ito sa Metropoint Mall at Saver's Square, kapuwang kilalang-kilala sa mga mananakay; at Winston Lodge at isang sangay ng Sogo Hotel, dalawa sa mga maraming otel na matatagpuan sa EDSA malapit sa estasyon. Ito rin ang estasyon para sa mga papuntang SM Mall of Asia, Heritage Hotel, San Juan de Dios Hospital and College at Manila Tytana College (dating Manila Doctors College).
Mga kawing pangpanlalakbay
Ang walkway na naguugnay ng Estasyong EDSA ng LRT at Estasyong Taft Avenue ng MRT.
Ang Estasyong EDSA ay pinagsisilbihan ng maraming bus, dyipni, at taksi sa mga ruta ng EDSA at Abenida Taft, na may mga hintuan malapit sa estasyon. Karamihan sa mga panlalawigan na linya ng bus, tulad ng Victory Liner (na nagsisilbi sa Hilagang Luzon) at Philtranco (na nagsisilbi naman sa Katimugang Luzon at nalalabing bahagi ng Pilipinas), ay may mga terminal ng bus malapit sa estasyon. Ang mga bus at dyipni mula sa estasyon ay dumadaan sa maraming lugar sa Kalakhang Maynila, tulad ng Pasay, Muntinlupa (Sucat at Alabang), Taguig, Parañaque (Bicutan), SM Mall of Asia, Las Piñas, Maynila, Caloocan, at Makati, at gayundin mga katimugang lalawigan ng Kabite, Batangas, at Laguna.
