Ohm

Lu ohm (simmùlu Ω) eni l'unitati di misura di la resistenza elettrica ntô sistema 'ntirnazziunali di unitati di misura.

Nu resistore avi resistenza pari a 1 ohm quannu na diffirenza di putinziali ai sò capi pari ôn volt genera na currenti di intensitati pari ôn ampere.

Diminsionalmenti si avi:

${\displaystyle \Omega =\mathrm {{\frac {V}{A}}={\frac {V^{2}}{W}}={\frac {m^{2}\cdot kg}{A^{2}\cdot s^{3}}}} }$.

L'ohm eni l'unitati di misura puru di l'impedenza e dâ reattanza.

Lu ohm pigghìa u so nomu da lu fisicu tedescu Georg Simon Ohm, scuprituri di la liggi di Ohm.

Pi esprimiri a resistenza si usanu puru multipli e suttamultipli. Gamme di valuri comunementi usati sunnu:

• mohm (milliohm), assai usati pi la resistenza di cunnùtturi e di resisturi pi la misura di currenti elettriche;
• ohm, kohm (chiloohm) e Mohm (megaohm), di cui assai usati 'n elettronica ginìrali soprattuttu i kohm;
• Gohm (gigaohm) usati, pì esempiu, pi la polarizzazioni di microfuni a cundensaturi e, nzemi a li Tohm (teraohm), pi la resistivitati di materiali definiti isolanti (mai perfetti).

U modu giustu di scriviri ohm eni cu la lettera iniziali minuscola, tranni quannu secunnu i reguli grammaticali s'avi a scriviri 'na parola cu la maiuscola iniziali; ò stissu modu eni sbagliatu svriviri o diri ohms a lu prurali.

'N nu circuitu elettricu l'intensitati di la currenti eni direttamenti pruporzionali a la tinzioni e inversamenti pruporzionali a la resistenza.

• L'intensitati si misura 'n ampere, e lu sò simmùlu eni I;
• A tinzioni si misura 'n volt, e lu sò simmùlu eni V;
• A resistenza si misura 'n ohm, e lu sò simmùlu eni Ω.

A currenti eni nu flussu ordinatu di elettrùni; a tinzioni eni a forza di natura elettrica ca eni 'n gradu di determinari u scurrimentu di la currenti.

Si la forza acchìana, acchìana puru l'intensitati dâ currenti; a resistenza eni a forza di natura fisica prisenti 'n tutti i matiriali e si opponi a lu scurrimentu di la currenti; si chista acchìana a currenti s'abbassa.

• Liggi di Ohm
• Siemens
• Mho
• Ohmmetru