Cilentu Lu Cilentu è na pinìsula ca s'attrova tra li golfi di Salernu e di Policastru. Sta subriggiuni muntuusa dâ Campania è situata ntâ parti miridiunali dâ Pruvincia di Salernu. Anticamenti lu Cilentu era parti dâ Lucania (nzèmmula cu lu Vallo di Diano e lu golfu di Policastru): di chistu è ristatu signu ntô dialettu cilentanu, ntê tradizzioni gastrunòmichi e ntâ toponomàstica (Vallo della Lucania, Atena Lucana). Cultura cilentanaLa zona cilintana è dutata di propi carattirìstichi culturali piculiari ca nni fannu n'ìsula ô nternu dâ sò riggiuni d'appartinenza. Li dialetti cilentani miridiunali sunnu di tipu sicilianu. RilievuLa zona è limitata a nord dâ catina dî munti Alburni e a est dû Vallo di Diano. Si nni fà dirivari lu nomu di cis Alentum ("ô di ccà di l'Alentu"), quantu è gghiè lu ciumi nun nni segna cchiù lu cunfini. Lu gruppu muntuusu dû Cilentu è a tavuleri, cu alliniamentu principali versu l'Appenninu, ma, pi l'erusioni sterna ca l'hà ncisu n cchiù senzi, hà n'orografìa cumplicata e cunfusa. È custituitu di calcari dû Critàciu e di dulomia, pirciò ci si virìficanu dî finòmini càrsici. Li cimi cchiù mpurtanti sunnu lu Monte Cervati (m. 1899), lu Monte Sacro (m.1705), lu Monte Bulgheria (m.1225) ca, puru supiratu di àutri cimi ma, spicca pi lu sò isulamentu. Lu Cilentu hà vòschira di faggi e di lecci, è scarsamente pupulatu e mperviu e li sò centri maiuri s'attròvanu a nutèvuli autizza, macari susu li 600 m. Littiratura
Pi sapìrinni chiossai
|
