Sentria

Sentria

Tipe	Serrada, region naturala de França e contrada d'Occitània
Region istorica	Lemosin (region d'Occitània), Lemosin e Ducat d'Aquitània
Localizacion
Estat	França
Serrada	Massís Central

Sentria (Sentrìo en nòrma mistralenca^[1]; Xaintrie en francés) es una contrada d'Occitània^[2] situada en Lemosin.

Sa vila principala es Argentat.

L'explicacion de l'origina dau nom vària segon los autors. Provendriá siá de Lou Chaintrie o Santria, ancians mots occitans significant una bòrna o limita, siá de Senta Tria o Terra Santria, apelada atau dins los archius de l'ostau de Torèna que, per contraccion, seriá venguda Xaintrie.
Dins son obratge paregut en 1878, Histoire de la Xaintrie^[3] M. Saint-Bonnet, prepausa l'explicacion seguenta:

   «A l'extremitat sud-èst dau departament, tres cantons contigús : una partida pichona dau canton d'Argentat, Mercuér, Sent Privat, que se designa pro sovent jos lo nom collectiu de Xaintrie, perque son cenches per tres rius: Sera, que separa Mercuér de Cantal e d'Òlt; Dordonha e Marona.»

Se distinguís tres regions en Sentria:

• La Sentria blancha au nòrd de Marona, pus agricòla (canton de Sent Privat)
• La Sentria negra au sud de Marona, pus paura e pus boscosa (canton de Mércuer)
• La Sentria cantalesa, limitada au nòrd per lu País de Mauriac, au sud per la Castanhau e a l'est per lu país de Salèrn e lu bacin d'Orlhac

• 
  Païsatge de Sentria negra
• 
  Païsatge de Sentria blancha

1. ↑ Mistral, Frederic (1878–1886). Lou Tresor dóu Felibrige (TDF). Rafèla d'Arle: Cultura Provençala e Meridionala. 
2. ↑ Segon la classificacion de Frederic Zégierman.
3. ↑ [1], Histoire de la Xaintrie M. Saint-Bonnet ISBN: 2-87760-245-1 ré-édition 1990 aux Res Universis