Raimond GuiraudRaimond Guiraud (en francés: Eugène Raymond Guiraud; Tolosa, 16 d'abril de 1929 - Marçac de Tarn, 19 d'octobre de 2013)[1] foguèt un escrivan occitan. S'especializèt lèu dins lo roman negre e en 1995 publiquèt son primièr libre 22, carrièra del Taur amb son protagonista emblematic que apareisserà dins totes las òbras ulterioras: lo comissari Casal. BiografiaRaimond Guiraud nasquèt en 1929 dins una familha que l'occitan i èra vida vidanta. Guiraud trabalhèt dins maites domenis. Faguèt lo camionaire, l'obrièr, jornalista e mai que mai, lo comercial dins lo sector agroalimentari a París. Totas aquelas activitats li permetèron de se familiarizar amb l'anar de la polícia, de la gendarmariá e mai dels tribunals. Pasmens son interès per l'occitan arribèt sul tard quand son amic, lo mètge e lingüista del país ariegés Jòrdi Ensergueix l'incitèt a aprendre a escriure sa lenga mairala. Aital comencèt a collaborar per divèrses setmanièrs coma País Nòstre e l'Almanac Occitan d'Arièja, pasmens publiquèt lo primièr roman situat dins la vila ròsa, 22, carrièra del Taur sonque quand se ganhèt la retirada.[1] Aprèp la publicacion de son primièr roman, l’Institut d’Estudis Occitans volguèt pas mai publicar cap de libre de Raimond Guiraud. Calguèt l'ajuda de divèrsas personalitats occitanistas coma Cristian Laus, Cristian Rapin e Marcèu Esquiu que li faguèron fisança e aital son segond libre del comissari Casal, Lo Castèl de la paur, e autres racontes foguèt editat en 1999 gràcias a Eric Chaplain a l'ostal d'edicion Princi Negue. Òbras
Referéncias
Ligams extèrns |
