Moissalièra

Una moissalièra es un trelís de metal, de plastic o de fibra de veire o una estòfa de malhas finas, coma la gaza o la tul, que se plaça sus l'encastre de las fenèstras e de las pòrtas que se vòl daissar dubèrtas per empachar los moissals e autres insèctes volants de penetrar dins los ostals. S'utilizan tanben per cobrir los lièches, los brèces..., totjorn per evitar las dintradas d'insèctes, de nuèit o de jorn.

Es un accessòri particularament util coma proteccion contra los insèctes vectors de malautiás (Fèbre jauna, malària, dengue; etc), dins los païses ont aquelas malautiás son endemicas.

Dins las zònas de risc, las moissalièras son de còps que i a embegudas d'un repulsiu, d'un insecticida o d'espòras de campairòls patogèns pels insèctes coma Metarhizium anisopliae o Beauveria bassiana.

Los moissalièras son un element important pel campatge.

Les primièrs modèls de moissalièras embegudas amb insecticidas datan de 1983. Permetián de remediar los defauts d'estanqüeitat (rompedura o mala utilizacion). Aquels modèls utilizavan de piretrinoïdes coma insecticida e repulsiu. Devián èsser espandits manualament sus la tela de la moissalièra e avián una durada de vida corta, passant en particular aprèp qualques lavatges. Dempuèi, l'embeguda se fa pendent lo procèssus de fabricacion amb una durada d'eficacitat anonciada de mantunas annadas^[1].

1. ↑ (fr) J. M. Hougard, « Les moustiquaires imprégnés », Pour la Science, avril 2008, p. 48-52

• (en) Cyril Fox, Mosquito net : a story of the pioneers of tropical medicine, i2i, Manchester, 2008, 253 p. ISBN: 9780956036902
• (fr) P. Carnevale, V. Robert, C. Boudin et al., « Parasitologie. La lutte contre le paludisme par des moustiquaires imprégnées de pyréthrinoïdes au Burkina Faso », in Bulletin de la Société de pathologie exotique, 1988, vol. 81, n°5, p. 832-846
• (fr) Frédéric Darriet, Moustiquaires imprégnées et résistance des moustiques aux insecticides, IRD, Paris, 2007, 116 p. ISBN: 978-2-7099-1624-0
• (fr) Dimi Théodore Doudou, Julien Marie Christian Doannio, Lucien Yao Konan, Rousseau Djouaka, Léa Paré Toé et Martin Akogbéto, « La moustiquaire imprégnée d'insecticide comme moyen de lutte contre le paludisme : les raisons d'une adoption limitée en Côte d'Ivoire », in Natures Sciences Sociétés, vol. 14, n°4, octobre-décembre 2006, p. 431-433