Çò qu'es uèi l'estat de Michigan foguèt d'en primièr poblat per las tribús amerindianas abans d'èstre colonizat pels explorators franceses al sègle XVII e de venir una part de la Nòva França. Après la defeta francesa dins la Guèrra francoindiana en 1762 la region caiguèt jol poder britanic, e foguèt daissada als novèls Estats Units independents après la defeta britanica dins la Guèrra d'Independéncia. La zona apatenguèt al grand Territòri del Nòrd oèst entrò 1800, quora l'oèst de Michigan venguèt part del Territòri d'Indiana. Finalament, en 1805, lo Territòri de Michigan foguèt constituït, entrò que siá admés dins l'union lo 26 de genièr de 1837, coma 26en estat. L'estat de Michigan venguèt lèu un important centre industrial e comercial dins la region dls Grands Lacs e una destinacion populara pels imigrants.