La Metropolitan Transportation Authority (conneguda jos l'acronim MTA) es una entrepresa publica, cargada de la gestion dels transpòrts publics dins la vila de Nòva York e son aglomeracion. Desservís dotze comtats del sud de l'Estat de Nòva York, atal que dos comtats dins l'Estat vesin de Connecticut. Constituís lo mai grand malhum de transpòrt en comun d'America del Nòrd e desservís una populacion de mai de 15 milions de personas.

La MTA espleicha sièis malhums :

• La MTA New York City Transit (NYCTA), es cargada de la gestion del mètro de Nòva York, atal que de las linhas de bus de la vila (New York City Bus) ;
• Lo MTA Bus, malhum de bus segondari nascut de la consolidacion de sèt ancianas companhiás ;
• Lo MTA Long Island Rail Road (LIRR), gerís los trens de banlèga a destinacion de las banlègas èst (comtats de Nassau e Suffolk), sus Long Island ;
• Lo MTA Metro-North Railroad (MNR), gerís los trens de banlèga a destinacion de las banlègas nòrd ;
• Lo MTA Staten Island Railway (SIR), gerís una linha de mètro (independanta de las autras linhas del mètro de Nòva York) que traversa l'arrondiment de Staten Island del nòrd al sud ;
• La MTA Bridges & Tunnels (MTA B&T) es cargada de la gestion e de l'entretien de sèt ponts e de dos tunèls. La majoritat dels autres ponts e tunèls situats dins Nòva York son gerits per la municipalitat, pel biais del New York City Department of Transportation (DOT).

Sus d'autres projècte de Wikimedia:
	Commons (Galariá)
	Commons (Categoria) Modèl:Commonscat/categories

• Mètro de Nòva York
• Transpòrt a Nòva York

• (en) Site oficial