EraEra, de còps estilizat +eRa+, es un projècte musical new age fondat pel musician francés Éric Lévi, ancian sòci del grop de ròck Shakin' Street. Lo primièr album, Era, enregistrat en 1996, a obtengut una plan granda capitada en França e dins d'autres païses, portat per lo del single Ameno que n'es estat tirat en 1997. L'univèrs visual d'Era utiliza la mistica dels simbòls de la religion e de l'univèrs medieval, per exemple lo videoclip de Ameno es estat filmat en Occitània al castèl de Montsegur.[1] Genèsi d'EraAbans la creacion d'Era, Éric Lévi s'illustra dins las annadas 1970 dins lo grop de hard ròck Shakin' Street, puèi a la debuta de las annadas 1990 e a son retorn dels Estats Units, compausa de musicas de filmes. Collabòra sustot ambe Jean-Marie Poiré, que li demanda de compausar en 1991 la musica de son filme Opération Corned Beef, e en 1993, la del filme Les Visiteurs. Lo filme se debana entre doas epòcas, l'Edat Mejana e lo sègle XX, alavetz Éric Lévi compausa una musica originala ambe un tèma coral faiçon Carmina Burana, mas i mescla de guitarras electricas faiçon ròck de la fin del XXe, e d'autras sonoritats modèrnas. Ambe mai de tretze milions de dintradas en França, lo filme Les Visiteurs es una de las mai grandas capitadas del cinèma francés, e en seguida la benda sonòra d'Éric Lévi es nommada aus Césars coma melhora musica de filme, ambe sustot lo tèma principal Enae Volare. Aquela capitada incita Éric Lévi a crear son projècte musical Era, dins l'estili d'aqueste tròç Enae Volare de la benda sonòra dels Visiteurs. Discografia
Referéncias |
