Bèth pastor vedèva un taure,
Cada dia, en hant-se nuèit,
Estremà's, com si lo haure,
Dab son hèr, be i dava met...
_ "Que pòt donc aver la béstia" !
Se disè dehents son còr,
" de paishença n'a carestia ?
Saberéi jo drin acò".
E n'avó de languir guaire :
Jà percebè, tant per tant,
Cornihaut, e dab gran aire,
Passar lo gave e nadant[1],
E puish que s'apedanhava,
A plaser, ras d'un calhau,
Bèra pèira qui's banhava,
A miejas, hens lo cristau,
La bèstia semblava arranga,
Tan be caminava doç,
Tot d'un còp, era s'estanga
E se bota de genós...
Com se credeva eb bisacle,
Lo pastor lèu d'ajustà's,
Mei, en vedent un miracle,
Que's senhe e puish d'alujoà's:
Tota bèra e clarejanta,
La pèira de la hontan
Avè la tèsta airejanda ;
De la Vierja de l'autar ;
E marcaba ua estatua
De la senta mair de Diu,
Com se'n i tròba mantua,
Hens[2] país on fe viu.
Bibliografia
Pellisson, Enri.. ( Enric Pelisson...) Noste Dame de Sarrance / Nòsta Dama de Sarrança, poesias... Auloron-Senta Maria, cò en Marca (id "Merque", "Marque"...), 1898 ( dab edicion navèra en 1902 id)
Discours d'u patriote biarnés / Discors d'un patriòte biarnés, id cò en Lample, 1901
Tarrible espetacle ena tasque / Tarrible espectacle ena tasca, id cò en Marca,1907
.svg){kind=small}
