Alligator Alcatraz

Lo Centre de Detencion de Florida del Sud (en anglés: South Florida Detention Facility), escaissat popularament Alligator Alcatraz, es un centre de detencion dels migrants situat dins l'estat american de Florida. Es estat construch sus l'Aeropòrt d'Entrenament e Transicion Dade-Collier dins la Resèrva Nacionala de Big Cypress a Ochopee.

Anonciat en junh de 2025 pel procurador general de Florida, James Uthmeier, e promogut pel governador republican Ron DeSantis, lo bastiment se tròba dins los Everglades, a l'oèst de Miami. Son escais ven d'Alcatraz, la preson mai famosa dels Estats Units, situada dins la baïa de San Francisco e los alligators son plan frequents dins la palunalha de Florida.

Aqueste complèx pòt encabir fins a 2.000 personas.