Alhon (riu)

Alhon (Ailloux)
l'Alhon vès Manluòc.
Caracteristicas
Longor	37,2 km [1]
Bacin	?
Bacin collector	la Leire
Debit mejan	?
Regim	pluviau
Riu
Font	monts dau Liuradés
· Localizacion	Eschandalís
· Coordenadas	45° 33′ 49″ N, 3° 31′ 43″ E
Confluéncia	l'Aiga Maire
· Localizacion	Parentinhat
· Coordenadas	45° 32′ 09″ N, 3° 17′ 29″ E
Geografia
Païses traversats	Occitània,  França
Regions traversadas	Auvèrnha Ròse Aups

Alhon (Ailloux en francés) es un riu que cola en Auvèrnha, dins le departament dau Puèi de Doma e la region administrativa Auvèrnha Ròse Aups. Aquò-es un afluent de l'Aiga Maire en riba dreita, donca un sosafluent d’Alèir puèi de Leire.

Alhon pren sa sorsa dins los monts dau Liuradés a 956 mètres d'altituda, près dau vialatge dau Boisson (comuna d'Eschandalís). L'endreit se tròba près dau Bòsc de Mauchet (1095 mètres). Le riu s'orienta d'abòrd nòrd-oèst jusqu'au luòc dit eponim ; pren en seguida la direccion oèst e s'enfonça dins de gòrjas. Après Sugèiras vira au sud-oèst puèi au sud jusca sa confluença en riba dreita embei l'Aiga Maire, a la limita de las comunas d'Aulhac e Flac e de Parentinhac.

Alhon lonja o ben travèrsa v-uèit comunas, totas situadas dins le Puèi de Doma.

• Eschandalís, Ausèla, Bòrsa, Sugèiras, Manluòc, Brenac, Aulhac e Flac, Parentinhac.

Alhon compta quinze afluents referenciats^[1] :

• Riu de la Pradariá
• Riu de Rangoux (en francés)
• Riu de Flassac
• Riu de Raiat
• Riu de las Forchas
• Riu de Pratnòu
• Riu de Ròcha
• Riu l'Alhon
• Le Crinzoux (en francés)
• Riu daus Rivaus
• Riu de la Martre (en francés)
• Riu de l'Estanh

Segon los Fénié, vendriá d'una racina preceltica *al-^[2], benliau una variacion de ar-, coma retrobèm dins "Alèir", que signifiariá "ribèira dont la valada sembla una plana".

Per ce qu'es dau biais d'escriure, la grafia francesa fariá pensar embei una fòrma occitana Alhós, mas la prononciacion [ajˈwœ] relevada vès Bòrsa indica clarament que s'agís d'un diminutiu -on.

Localament, le riu se ditz [aˈju] o [ajˈwœ].^[3]

• La lista de las ribèiras de França
• Leire

1. ↑ ^1,0 et ^1,1 Modèl:Sandre
2. ↑ Bénédicte Boyrie-Fénié, Jean-Jacques Fénié. Toponymie des pays occitans, Éditions Sud-Ouest, 2007.
3. ↑ Collectatges IEO 63. La pormèira prononciacion dins le parlar de vès Çausselenjas, la segonda dins le parlar de vès Bòrsa.