Alan Juppé, nascut Alain Marie Juppé lo 15 d'agost de 1945 al Mont (Lanas), es un òme d'Estat francés.
Après son passatge per l'Escòla nacionala d'administracion (ENA), causís l'inspeccion generala de las finanças. Collaborator de Jaume Chirac a partir de 1976, es l'adjunt a la vila de París pendent dotze ans. Se presenta enseguida a Bordèu, que ne venguèt conse màger de 1995 a 2004 e dempuèi 2006.
Al nivèl nacional, es ministre del Budget de 1986 a 1988 e ministre dels Afars estrangièrs de 1993 a 1995. Es nomenat Primièr ministre al començament du septennat de Jaume Chirac, en 1995. Son passatge a Matignon es marcat per de caumassas contra son plan sus las retiradas e la Seguretat sociala, que ne deguèt en partida renonciar. Vengut fòrça impopular, quita lo cap del govèrn après la desfacha de la drecha a las eleccions legislativas de 1997. Al meteis temps, presidís lo Recampament per la Republica (RPR) puèi l'Union per un movement popular (UMP).
Es obligat de quitar la vida politica en 2004, la cort d'apellecion de Versalhas l'avet condamnat a 14 meses de prison amb ajornament e a un an d'ineligibilitat per presa illegala d'intereses dins l'encastre de l'afar dels emplecs fictius de la vila de París. Partit ensenhar al Quebèc, fa son retorn en politica dos ans mai tard tornant a son mandat de conse màger de Bordèu.
En 2007, un mes après aver èsser nomenat ministre de l'Ecologia par Nicolas Sarkozy, demissiona del govèrn, avent èssent vencut a las eleccions legislativas. Torna pasmens al govèrn coma ministre de la Defensa (2010-2011) e dels Afars estrangièrs (2011-2012). Longtemps donat favorit en vista de l'eleccion presidenciala de 2017, pèrd la primària presidenciala de la drecha e del centre de 2016 fàcia a François Fillon.
.jpg)
