Air

Air es un grop de musica electronica francés originari de Versalhas (França) format en 1995 e compausat del duò Jean-Benoît Dunckel e Nicolas Godin. Populars en França mas tanben en Grand Bretanha e als Estats Units, lo grop es ambe Daft Punk (a qui son qualques còps comparats) un dels mai emblematics del movement musical French touch, caracterizat per lors referéncias musicalas vintage, puslèu las annadas 70 (lo grop alemand Kraftwerk o lo disco) al lòc de la tècno modèrna "eurodance" de lors contemporanèus. Las parts cantadas de lors composicions son en anglés e en francés.

En 1998, lo primièr album Moon Safari es un dels disques de l'annada, gràcia sustot al tube Sexy Boy. Dos ans mai tard, compausan la benda sonòra del film american The Virgin Suicides de Sofia Coppola.