Severity: Notice
Message: Undefined offset: 1
Filename: infosekolah/leftmenudasboard.php
Line Number: 33
Line Number: 34
Aigasparsa e Combret (Aigueperse-et-Combret en francés) es 'na anciana comuna lemosina situada dins lo departament de la Nauta Vinhana e la region de la Novela Aquitània, ancianament de Lemosin. Dempuei 1806, es estachada a la comuna de Sent Bonèt Briança.
Aigasparsa e encara mai Combret eran sus la partida pus nauta e boschosa (Forest d'Aigasparsa) de la comuna actuala de Sent Bonèt Briança. Quò explica benlèu lor populacion pus bassa.
La prononciacion es [ej'ga:'paɾsɔ]. Lo nom ven dau latin aqua sparsa, « aiga esparsa, esparpalhada », de spargere, mas una ipotèsi emb l'occitan pèrsa, « verdau » es pas a exclaure, 'quò depend de las fòrmas ancianas [1].
Combret s'explica coma los autres Combrets. Per Dauzat, ven dau gallic *comboros, barratge o junhent, emb lo sufixe collectiu latin -etum [2]. Xavier Delamarre fornis de las coneissenças pus actualizadas. Lo celtic comberos a lo sens de « barratge sus 'na aiga. Es format de com-, « emb » e de bero-, beru-, que, emb un prefixe, serv a designar de las « modalitats » de las aigas (ad-bero-, com-bero-, etc) [3]. Combret era un combereton, « 'na tombada, 'na copa (d'aubres) » [4].
Combret era una paròfia annèxa e Aigasparsa sembla paròfia (mapa de Cassini, per Geoportail [5]). Aigasparsa e Combret formeren 'na comuna entre 1790 e 1794. En 1801, passet dau canton de Sent Pau au canton de Peira Bufiera. En 1806, la comuna fuguet estachada a Sent Bonèt la Ribiera [6]
