Øyvind Alsaker (fødd 16. august 1965) er ein norsk sportsjournalist og fjernsynspersonlegdom frå Florø i Sogn og Fjordane.
Han er utdanna ved Høgskulen i Volda.
Han starta som radioreporter i NRK, og vart tilsett i P2 i 1990.[1] Då TV2 vart skipa i 1992 fekk han jobb som fotballkommentator i den nye TV-kanalen. I 1998 gjekk han til Canal+. Frå 2006 var han tilbake i TV2, men fortsette å kommenterte engelsk Premier League hjå Canal+.[2]
Alsaker kommenterte brorparten av kampane frå Tyskland under VM i 2006. Tippeligaen blei også dekka av TV2, og han kommenterte ein stor del av kampane saman med Nils Johan Semb. Alsaker kommenterte også EM 2008 i Sveits og Austerrike saman med Nils Johan Semb og Totto Dahlum.
Under OL i Sotsji kommenterte han alpint for TV2.
I 2019 gav han ut boka En for laget – Solskjærs United saman med Atle Nielsen.[3]
Kjelder
