Xabi Alonso

Personleg informasjon
Fullt namn	Xabier Alonso Olano
Fødd	25. november 1981 (43 år)
Fødestad	Tolosa
Høgd	183 cm
Posisjon	Midtbanespelar
Klubbinformasjon
Noverande lag	Real Madrid
Nummer	14
Seniorkarriere*
År	Lag	Kampar (Mål)
1999-2004 2000-01 2004-09 2009-	Real Sociedad Eibar (lån) Liverpool Real Madrid	114 (9) 14 (0) 143 (15) 158 (4)
Landslag
2002-03 2003-	Spania U21 Spania	9 (0) 110 (15)
* Seniorklubbkampar og mål berre telt for nasjonal liga og oppdatert 11. mai 2014 ‡ Landslagsmål oppdatert 7. juni 2014

Xabier Alonso Olano, kjend som Xabi Alonso (fødd 25. november 1981 i Tolosa i Baskarland) er ein spansk fotballspelar, som spelar på midtbanen for Real Madrid i spansk Primera Division og for det spanske landslaget. Han var med på å vinna den europeiske meisterligaen med Liverpool i 2005. I 2003 vart han kåra til årets spanske spelar. Med Real Madrid vart han spansk seriemeister i 2012 og vann den europeiske Meisterligaen i 2014.

Xabi Alonso debuterte for Spania sitt A-landslag i april 2003 i ein privatlandskamp mot Ecuador. Han spelte to kampar, ein frå start og ein som innbytar, i fotball-EM i 2004. Han skåra det første landslagsmålet sitt under fotball-VM i 2006. Då Spania vart europameistrar i 2008 spelte han for det meste som innbytar, i fire av Spania sine seks kampar. I VM i 2010 spelte han frå start i alle dei sju kampane då Spania vart verdsmeistrar i Sør-Afrika. I EM i 2012 spelte han igjen heile kampen i alle Spania sine kampar då dei igjen vart europameistrar.