To Our Children's Children's Children er det femte albumet til The Moody Blues og kom ut seint i 1969. Det var det første albumet dei gav ut på sitt eige plateselskap, Threshold Records, som var kalla opp etter det førre albumet til bandet, On the Threshold of a Dream, som kom ut same året.
Albumet er det fjerde av dei sju «kjernealbuma» til bandet frå 1967 til 1972, og representerer slik toppen av karrieren deira for enkelte tilhengjarar. Sjølv om singelen frå albumet, «Watching and Waiting», ikkje gjorde det særskild bra, fekk albumet god kritikk og selde bra. Det nådde andreplassen på albumlista i Storbritannia og 14. plass i USA. Bandet fann ut at dei fleste av songane ikkje var mogelege å framføre live, sidan dei inneheldt mykje orkester og mange spor med instrument oppå kvarandre. Det neste albumet deira, A Question of Balance, var derfor meir enkelt med enklare instrumentering. Dette varte derimot berre eitt album, og det neste albumet, Every Good Boy Deserves Favour, som igjen inneheldt orkester.
I mars 2006 vart albumet mastra på nytt og gjeven ut på SACD som ei dobbelplate med mange bonusspor.
I 2008 vart ein enkel CD gjeven ut med fem bonusspor.
Songen «Out and In» var skriven av både Mike Pinder og John Lodge, den einaste songen dei skreiv i lag.
