Sumy (ukrainsk Суми, russisk Сумы) er ein by ved elva Psel i Ukraina og administrasjonssenter i Sumy oblast. Byen har kring 280 000 innbyggjarar (2004).
Sumy vart grunnlagd i 1652 ved breidda av Psel, ei sideelv til Dnepr, som ei kosakkisk festning. Ho var meint å verne Sloboda Ukraina frå krimtatariske åtak. Etter at åtaka deira stoppa opp og området vart ein del av Det russiske imperiet, utvikla Sumy seg til eit viktig økonomisk senter. I løpet av den tyske okkupasjonen av Ukraina under andre verdskrigen (1941 – 1943), vart Sumy hard råka. Då kriven var over vart dei øydelagde delane av byen bygd opp att.
Sumy har eit moderat kontinentalklima: kalde og snørike vintrar og varme somrar. Middeltemperaturen er ikkje altfor låg om vinteren og heller ikkje altfor varm om sommaren med -6,9 °С i januar og 20,3 °С i juli. Årsnedbøren er 513 mm, og mest nedbør kjem i juni og juli. 7
