Albumet vart ein suksessfull debut for bandet, med låtane «Born to Be Wild» og «The Pusher», som begge vart brukte i filmen Easy Rider frå 1969. «Berry Rides Again» er ei hyllest til gitaristen Chuck Berry. Stavemåten på spor nr. 4 på vinylen er «Hootchie Kootchie Man». I albumkrediteringane står det at albumet vart spelt inn i American Recording Company i Studio City i California, men det eigentlege namnet på studioet var American Recorders.
Bakgrunnsfargen på det originale ABC LP-omslaget var ein sølvfarga «folie», i motsetning til seinare (MCA Records) LP-utgivingar og det moderne CD-omslaget der han er erstatta av off white. Det er det einaste albumet frå bandet som er gitt ut i både stereo og mono. Sjølv om det meste av sistnemnde berre er ei «nedfelling» av stereomiksen, er den ettertrakta som samlarobjekt.
Tidlege utgåver av «sølvfoliebakgrunn»-versjonen krediterer «Mars Bonfire» for å ha skrive «Born to be Wild» på både LP-etiketten og baksida av LP-coveret.
Etter suksessen med «Born to Be Wild» hadde seinare utgivingar ein svart boks på coveret med teksten: «Including The Hit: Born to Be Wild». Dei tidlegaste 1968-versjonane av albumet hadde ikkje dette.
