Reeth er ein liten by i North Yorkshire i England. Han ligg i nasjonalparken Yorkshire Dales, der dalane Swaledale og Arkengarthdale møtest.
I saksisk tid var det berre ei lita busetjing i skogkanten. Staden er nemnt i Domesday Book (1086), og hadde då vakse noko.
Reeth vart utover i mellomalderen eit sentrum for strikking, og den lokale blygruveindustrien vart kontrollert derfrå, men det var heile tida rolla som marknadsby for landbruket i området som var viktigast.
Mange av husa er frå 1700-talet. I sentrum ligg ein trekanta village green, der ein finn dei tre pubane i byen og eit hotell. Turistindustrien har vorte ei viktig næring for byen, og mange fotturistar tek turen dit.
Like utanfor Reeth finn ein toppane Fremington Edge og Calver Hill.
Kjelder
