Raising Sand

Raising Sand
Studioalbum av Robert Plant og Alison Krauss
Språk engelsk
Utgjeve 23. oktober 23, 2007
Innspelt Sound Emporium i Nashville i Tennessee i USA;
Electro Magnetic Studios i Los Angeles i California;
The Village Recorder i Los Angeles i California;
Sage & Sound i Hollywood i California
Sjanger Americana, folkrock, countryrock, country
Lengd 57:13
Selskap Rounder
Produsent T-Bone Burnett
Kritikk
Robert Plant-kronologi 
Mighty ReArranger
(2005) 		Raising Sand Band of Joy (2010)
Alison Krauss-kronologi
Lonely Runs Both Ways
(2004) 		Raising Sand Essential Alison Krauss
(2009)


Raising Sand er eit album av rockesongaren Robert Plant og bluegrass-country-songaren Alison Krauss. Det kom ut 23. oktober 2007 på Rounder Records. Raising Sand vann prisen som årets album i USA i 2009.

Bakgrunn

To songar av Gene Clark – «Polly (Come Home)» og «Through the Morning, Through the Night» – vart opphavleg spelt inn av Dillard & Clark for albumet Through the Morning Through the Night i 1969. «Rich Woman» vart først spelt inn av McKinley Millet (som L'il Millet) and his Creoles i 1955, for Specialty Records. «Please Read the Letter» vart først spelt inn av Page and Plant på Walking into Clarksdale i 1998. «Gone, Gone, Gone» var opphavleg ein Everly Brothers-song for Warner Music i 1964. Dei spelte òg inn «Stick With me Baby» i 1960, for A Date with The Everly Brothers. «Trampled Rose» vart opphavleg skriven og spelt inn av Tom Waits på Real Gone i 2004.

Bortsett frå påverknaden frå vokalstilane og talenta til Plant og Krauss, har produsenten på albumet, T-Bone Burnett fått mykje av æra for den grunnleggande musikalske stilen på albumet.

Mottaking

Alison Krauss spelar med Robert Plant i 2008

Albumet vart møtt mykje ros frå kritikarane og har ein middelscore på 87 frå innsamla meldingar på Metacritic.[1] Albumet vart av Rolling Stone kåra til det 24. beste i 2007.[2]

Songane på Raising Sand vart handplukka av produsent T-Bone Burnett. Entertainment Weekly skildra coversongane som utgjer albumet for «utsøkt».[3]

«Gone, Gone, Gone (Done Moved On)» vart gjeven ut på singel og vann Grammy Award for beste popsamarbeid med vokal. Songen «Killing the Blues» vart plassert på 51. plass på lista til Rolling Stone over dei 100 beste songane i 2007.[4]

I 2009 vann albumet alle dei fem prisane det var nominert til på Grammy Award: Årets album, beste kontemporære folk/americana-album, årets singel («Please Read the Letter»), beste popsamarbeid med vokal (for «Rich Woman») og beste countrysamarbeid med vokal (for «Killing the Blues»).[5][6]

Albumet vart òg nominert for Mercury Prize i 2008 i Storbritannia.

I desember 2009 rangerte musikkmagasinet Rhapsody albumet på andreplass på lista deira over dei beste countryalbuma på 2000-talet.[7]

Albumlister

Albumet selde over 100 000 eksemplar i USA den første veka og debuterte på andreplass, den høgaste plasseringa for begge soloartistane (Plant hadde derimot oppnådd førsteplassar med Led Zeppelin fleire gonger).[8] Raising Sand selde til platinaplate i mars 2008.[9][10]

Albumet nådde òg andreplassen i Storbritannia i januar 2008 og i Noreg gjekk albumet heilt til topps på VG-lista.

Innhald

Nr.TittelLåtskrivar(ar)Lengd
1.«Rich Woman»Dorothy LaBostrie, McKinley Millet4:04
2.«Killing the Blues»Roly Jon Salley4:16
3.«Sister Rosetta Goes Before Us»Sam Phillips3:26
4.«Polly Come Home»Gene Clark5:36
5.«Gone Gone Gone (Done Moved On)»Don Everly, Phil Everly3:33
6.«Through the Morning, Through the Night»Gene Clark4:01
7.«Please Read the Letter»Charlie Jones, Michael Lee, Jimmy Page, Robert Plant5:53
8.«Trampled Rose»Kathleen Brennan, Tom Waits5:34
9.«Fortune Teller»Naomi Neville4:30
10.«Stick With Me Baby»Mel Tillis2:50
11.«Nothin'»Townes Van Zandt5:33
12.«Let Your Loss Be Your Lesson»Milton Campbell4:02
13.«Your Long Journey»Doc Watson, Rosa Lee Watson3:55

Medverkande

Andre musikarar

Kjelder

  1. ↑ Robert Plant And Alison Krauss: Raising Sand (2007): Reviews, Metacritic
  2. ↑ "The Top 50 Albums of 2007"[daud lenkje]. Rolling Stone. December 17, 2007. Henta 29. mars 2011.
  3. ↑ "Raising Sand (2007) Alison Krauss, Robert Plant" Arkivert 2012-10-07 ved Wayback Machine.. Entertainment Weekly. October 26, 2008. Henta 29. mars 2011.
  4. ↑ "The 100 Best Songs of 2007" Arkivert 2007-12-15 ved Wayback Machine. Rolling Stone. December 11, 2007. Henta 29. mars 2011.
  5. ↑ arkivkopi, arkivert frå originalen 5. desember 2008, henta 29. mars 2011 
  6. ↑ MTV News Staff (8. februar 2009). «Grammy 2009 Winners List». MTV. Henta 29. mars 2011. 
  7. ↑ "Country’s Best Albums of the Decade" Henta 29. mars 2011.
  8. ↑ Hasty, Katie. "Underwood Leads Three Country Debuts Onto Chart", Billboard. October 31, 2007. Henta 29. mars 2011
  9. ↑ "RIAA Searchable Database". RIAA. Henta 29. mars 2011
  10. ↑ "Alison Krauss/Robert Plant go platinum". Country Standard Time. March 20, 2008. Henta 29. mars 2011.


Føregangar
Inside I'm Singing
Secret Garden 		Toppen av VG-lista
Robert Plant og Alison Krauss
1 veke, veke 2–2008 		Etterfylgjar
The Ultimate Hits
Garth Brooks