Peter Gaustad
Peter Thorvald Gaustad (7. desember 1878–11. januar 1949) var ein norsk gardbrukar og offiser frå Stange som 1931-33 representerte Hedmark og partiet Høgre i stortinget. Bondesonen Gaustad var offiser frå 1902 og tok eksamen 1905 på Den militære høyskole. Etter å ha gått ut frå den Den gymnastiske Centralskole i 1907, var han i fire år gymnastikklærar ved den høgare allmennskulen i Hamar. I 1911 tok han over slektsgarden Nøttestad, som han sidan dreiv. I 1911 fekk han elles kapteins grad i det militære, gjorde deretter teneste i bataljonane i Gudbrandsdalen og Østerdalen. Frå 1930 major og sjef for Østopland Infanteriregiment nr 5, i 1938 forfremja til oberstløytnant. Under angrepet på Norge i 1940 deltok han i felttoget i Østerdalen, tok seg i juni same året over til Sverige. Frå 1914 til 1916 var Gaustad varaordførar i Stange herad, deretter 1917–19 og 1926–28 medlem i Stange formannskap. Formann i Stange allmenningsstyre frå 1926. Stortingsvalet hausten 1930 førte Gaustad inn i Stortinget, vald som 5. representant frå valkrinsen Hedmark fylke. På Tinget var han medlem i landbrukskomiteen. Kjelder
|
||||||||||||||||||
