Bexley er ein bydel i den austlege delen av det ytre London. Han grensar mot Bromley i sør, Greenwich i vest og Dartford i Kent i aust. I nord blir grensa mot Havering danna av Themsen. Bydelen blei oppretta i 1965 ved at krinsane Bexley, Erith, Crayford samt delar av Chislehurst og Sidcup, som alle ligg i Kent, blei slått saman og lagt under Stor-London.
I tillegg til at Themsen går langs grensa til distriktet renn elva Cray gjennom distriktet.
