Lausanne er ein by og eit distrikt i den fransktalande delen av Sveits. Byen er hovudstad i kantonen Vaud og i distriktet. Kommunen har 127 821 innbyggjarar (2010) og eit areal på 41,37 km². Byen ligg ved nordbreidda av Genfersjøen (fransk Lac Leman). Bysentrum ligg 495 meter over havet.
Sudan 1875 har høgsteretten i Sveits hatt sete i Lausanne.
Den internasjonale olympiske komiteen (IOK) har hovudkvarteret i Lausanne, og det olympiske museet. Den internasjonale valdgiftsretten for sport har òg sete i byen. Byen ligg sentralt i eit vinområde og er den minste byen i verda med T-bane.