Lassus Mountains er ei stor fjellkjede i Antarktis som er 15 nautiske mil (28 km) lang og 3 nautiske mil (6 km) brei, med ei høgd på 2100 moh. Ho strekkjer seg sørover frå Palestrinabreen nordvest på Aleksanderøya i Antarktis. Fjella ligg oppom Lazarev Bay og eit par mindre øyar i bukta som Dint Island og Umber Island. Haydnfjorden ligg sør for Lassus Mountains medan Havre Mountains ligg like nord. Truleg vart fjella først sett 9. januar 1821 av den russiske ekspedisjonen under Fabian Gottlieb von Bellingshausen. Dei vart fotograferte frå lufta i 1936 av British Graham Land Expedition (BGLE), men kartlagde som fjell nær Havre Mountains. Dei vart først kartlagde i detalj frå flyfoto tekne under Ronne antarktiske forskingsekspedisjon (RARE), 1947–48, av Searle frå Falkland Islands Dependencies Survey (FIDS) i 1960. Fjellkjeda vart namngjeven av United Kingdom Antarctic Place-Names Committee (UK-APC) etter Orlandus Lassus (1532-94), ein belgisk komponist.
Sjå òg
Kjelder
Denne artikkelen inneheld stoff som er offentleg eige frå United States Geological Survey-artikkelen «Lassus Mountains» (innhald frå Geographic Names Information System).
