Kfar HaRif (hebraisk skrift כְּפַר הָרִי"ף, tyder Rif-landsbyen) er ein moshav på grensa mellom Shfela og kystsletta sør i det sentrale Israel. Han er den største busetnaden i Yoav regionale kommune. Landsbyen ligg kring ein kilometer søraust for Masmiya-krysset og kring to kilometer nordaust for Kiryat Malakhi.
Aust for moshaven flyt elva HaRif, som landsbyen er kalla opp etter. I nærleiken ligg nokre brunnar.
Moshaven vart grunnlagd på slutten av 1956 av immigrantar til Israel frå Marokko. Seinare kom det fleire immigrantar frå mange land i Aust-Europa.
I dag bur det kring 200 familiar, eller 800 menneske, i landsbyen. Fleire av dei arbeider utafor landsbyen, medan andre framleis driv med jordbruk i nærområdet.
